Tchad:Abanyarwanda bakoze umuganda, bibera isomo abenegihugu

Yanditswe na UMURERWA Emma Marie
Kuya 16 Ukuboza 2016 saa 11:48
Yasuwe : XX
0

Abanyarwanda n’inshuti zabo batuye muri Tchad, bakoze umuganda rusange bahuriyemo n’abaturage baturutse imihanda yose mu Mujyi wa N’Djamena, bibera isomo abatuye iki gihugu.

Uyu muganda wabereye mu gace ka Moursal, kuwa Gatandatu tariki ya 12 Ukuboza 2016 wakozwe biturutse ku gitekerezo cyazanwe n’Abanyarwanda batuye muri N’Djamena.

Mu Kiganiro yagiranye na IGIHE, Umuyobozi wa Diaspora Nyarwanda muri Tchad, Alice Ndekezi yavuze ko batekereje gukora umuganda mu rwego rwo gutanga umusanzu wabo muri iki gihugu no kugaragaza isura y’u Rwanda binyuze mu bikorwa by’amaboko.

Yagize ati “Icyari kigamijwe ni ukwereka abo muri iki gihugu uburyo umuturage agira uruhare mu bikorwa bifitiye igihugu akamaro. Hano ntibazi umuganda, ni umwihariko w’Abanyarwanda, twaboneyeho kubabwira akamaro kawo kandi abayobozi bifuje ko wajya ukorwa buri kwezi nk’uko mu Rwanda bigenda.”

Ndekezi yakomeje avuga ko uyu muganda witabiriwe n’umwe mu bayobozi bakomeye mu Mujyi wa N’Djamena witwa Alexandre Neldjita, abayobozi b’inzego z’ibanze batandukanye hamwe n’abandi banyamahanga b’inshuti z’Abanyarwanda batuye muri aka gace.

Alexandre Neldjita kimwe n’abandi baturage bawitabiriye bashimangiye ko bagomba kuwushyigikira cyane.

Yagize ati “Iki ni igikorwa cyiza kandi kidakwiye guhagararira aha ngaha.”

Mu mijyi itandukanye yo muri Tchad hatuye Abanyarwanda basaga 50, akenshi bahurira mu bikorwa bitandukanye bigaragaza isura nyayo y’u Rwanda ndetse buri mwaka bakaba bibuka Jenoside yakorewe Abatutsi.

Abanyarwanda bifatanyije n'abandi baturage bo muri Tchad mu muganda rusange
Umuyobozi wa Diaspora Nyarwanda muri Tchad, Alice Ndekezi yifatanyije n'abandi mu gukora umuganda
Ubuyobozi bwifuje ko iki gikorwa kizajya kiba ngarukakwezi
Abanyarwanda n'inshuti zabo bakora umuganda mu gace ka Moursal
Umuyobozi wa Diaspora Nyarwanda muri Tchad, Alice Ndekezi mu muganda
Basibura inkengero zo ku muhanda
Banasibuye imiyoboro y'amazi yari yarazibye
Bafata ifoto y'urwibutso nyuma y'umuganda

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza