U Bubiligi: Barankitse yahawe igihembo mpuzamahanga ’Jean Rey 2016 ’(Amafoto)

Yanditswe na Kanamugire Emmanuel
Kuya 24 Kamena 2016 saa 09:41
Yasuwe :
0 0

Amashyirahamwe ‘ Jean Rey’ na ADNE( Africa Diaspora Network in Europe) yashyikirije Marguerite Barankitse igihembo mpuzamahanga (Prix International Jean Rey 2016 » mu Bubiligi kuri Château d’Hélécine,tariki ya 23 Kamena 2016.

Iki gihembo agikesha ibikorwa by’indashyikirwa yakoze afasha impfumbyi z’intambara n’abafite intege nke bo mu gihugu cye cy’u Burundi, akaba yarabigezeho yifashishije umuryango yashinze witwa « Maison Shalom. »

Umuryango ‘Jean Rey’ ufite mu nshingano zawo guhuza abaturage basanzwe n’abandi bafite ibikorwa bifatika bihoraho, mu guhuza ibikorwa bikorerwa ku rwego rw’u Burayi no gushyigikira imishinga aho yaba iturutse hose.

Igihembo nk’iki cyagiye gihabwa abantu bagize ibikorwa by’indashyikirwa mu nzego zitandukanye haba mu bukungu, politiki, siyansi n’abanyabwenge bakoze ibitandukanye biteza imbere ikiremwa muntu muri rusange.

Ubufatanye hagati ya « Cercle Jean Rey iyoborwa na Bwana Louis Michel na ADNE(Africa Diaspora Network in Europe) umuryango washinzwe n’umunyarwandakazi, Marie Chantal Uwitonze, buza mu ngamba za ADNE zo guha agaciro umuco w’anyaburayi n’uw’abanyafurika bikuzuzanya aho gusumbana, bikanafasha abanyafurika kwerekana ibikorwa, ubushobozi n’ubuhanga bifitemo byagirira akamaro aho bakomoka n’ibihugu byabakiriye.

Uyu muhango witabiriwe n’abantu bageze kuri 300 harimo abayobozi bo ku rwego rwo hejuru mu Bubiligi, abaminisitiri, abahagarariye inzego zitandukanye mu Burayi n’abahagarariye ibihugu byabo.

Mu ijambo rye Louis Michel, yavuze impamvu amamvu n’amavuko y’uyu muryngo nabo umaze kugenera ibihembo n’impamvu bahembwe, ati “Uyu munsi dushimishijwe no kuba twakigeneye Marguerite Barankitse.”

Louis Michel yanashimiye Leta y’u Rwanda, uburyo yafashije abana b’imfubyi barerwa na Marguerite Barankitse.

Ati « Ndashimira Perezida Paul Kagame kuba yarahaye ubuhungiro abamuhungiyeho barimo Barankitse kandi n’abana arera bakaba barabonewe uko biga mu Rwanda, n’igikorwa gikomeye”

Marie Chantal Uwitonze yatangarije IGIHE ko yishimiye iki gihembo cyahawe Barankitse mu gihe igihugu cye kiri mu bihe by’ibibazo bitoroshye, ko ari urugero rw’ubufatanye mu gutera inkunga abafite ubushake bwo gufasha ikremwa muntu kubaho mu mahoro.

Yavuze ko ibikorwa bya Barankitse byerekana ubufatanye n’abaturage b’u Burundi n’imfubyi zifashwa na « Maison Shalom » avuga ko bazarwanira ishyaka Barankitse bazamurwanira ishyaka mu rugamba arimo rw’amahoro kurengera abakiri bato.

Marguerite Barankitse yishimiye igihembo yahawe
Uwahoze ari perezida w'u Burundi, Sylvestre Ntibantunganya
Yves Leterme wahoze ari Minisitiri w'Intebe w'u Bubiligi ni umwe mu bashyitsi bakuru muri uyu muhango
Bamwe mu bari batumiwe
Amb. Nduhungirehe na Madamu we

karirima@igihe.com


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza