U Bubiligi : Itsinda H2H rirabataramira kuri uyu wa Gatanu

Yanditswe na Dean Irak
Kuya 27 Kamena 2013 saa 08:24
Yasuwe :
0 0

Kuri uyu wa Gatanu tariki ya 28 Kamena 2013, i Buruseli mu Bubiligi, abasore babiri b’Ababanyarwanda, Aimé Nshuti Régis na Uhiriwe Florent bazwi mu itsinda rya ’’H2H ’’ (From Hell to Heaven), barataramira abakunzi babo.
Iki gitaramo kizabera ahitwa « Théatre des deux gares », umuhanda (rue des deux gares 124-B, 1070 muri komine ya Anderlecht –Bruxelles), guhera saa mbiri z’umugoroba (20 :00’).
Muri iki gitaramo, aba bahanzi H2H basanzwe bazwi cyane mu muziki wa Jazz, Blues, soul na R&B (...)

Kuri uyu wa Gatanu tariki ya 28 Kamena 2013, i Buruseli mu Bubiligi, abasore babiri b’Ababanyarwanda, Aimé Nshuti Régis na Uhiriwe Florent bazwi mu itsinda rya ’’H2H ’’ (From Hell to Heaven), barataramira abakunzi babo.

Iki gitaramo kizabera ahitwa « Théatre des deux gares », umuhanda (rue des deux gares 124-B, 1070 muri komine ya Anderlecht –Bruxelles), guhera saa mbiri z’umugoroba (20 :00’).

Muri iki gitaramo, aba bahanzi H2H basanzwe bazwi cyane mu muziki wa Jazz, Blues, soul na R&B bazifatanya n’abandi bahanzi bazwi barimo nka Polain na Lambert (M-LA), n’aba-djs benshi bazwi cyane mu Bubiligi nka Dj EMS, Princess Flor na Dj Yves. Kwinjira ni 15€.

Aganira n’umunyamakuru wa IGIHE, Uhiriwe Florent, yavuze ko iki gitaramo bagiteguye nyuma y’ibindi bito bito bari bamaze igihe bakora. Avuga ko iki kizaba kiryoshye kurusha ibyo bindi kubera uburyo giteguyemo.

Yagize ati ’’Ubu turagira ngo noneho twereke abakunzi bacu n’abataratumenya ko tubazaniye udushya muri muzika, kandi ko natwe Abanyarwanda tutasigaye inyuma muri muzika mpuzamahanga. ’’

Uhiriwe yongeraho ati ’’Indirimbo nyinshi turirimba nitwe tuziyandikira, tumaze gusohora ku mugaragaro imwe, ariko turateganya gutunganya Album yacu ya mbere izasohoka mu minsi iri imbere.’’

Aba bahanzi H2H bamenyekanye cyane mu mu Bubiligi binyuze ku kugaragara kuri Televiziyo yitwa RTL-TVI mu marushanwa ya "Belgium’s got talent", aho batowe nka bamwe mu bahanga bari bitabiriye ayo marushanwa.

Inyinshi mu ndirimbo zabo ziri mu rurimi rw’Icyongereza n’Igifaransa. Gusa bakaba bavuga ko banateganya gushyira hanze indirimbo zanditse no mu Kinyarwanda.

Igitaramo kizabera ahitwa Théatre des deux gares, Rue des deux gares 124-B, 1070, Anderlecht –Bruxelles guhera saa mbiri z’umugoroba (20 :00’)
Florent Uwihirwe, umwe mu bagize itsinda rya H2H
H2H bisobanuye biti "From Hell to Heaven" ugenekereje mu kinyarwanda bisobanuye biti "Kuva mu Kuzimu ugana mu Ijuru"

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza