U Rwanda rwongeye kwitabira imurika ry’ubukerarugendo mu Buholandi

Yanditswe na Mathias Hitimana
Kuya 11 Mutarama 2017 saa 11:15
Yasuwe :
0 0

Tariki ya 10 Mutarama 2017, mu mujyi wa Utrecht mu Buholandi hongeye gufungurwa ku mugaragaro imurikabikorwa ry’ubukerarugendo rihurirwamo n’ibihugu hafi ya byose by’Isi rizwi nka “Vakantie Beurs 2017".

Iri murika ribaye ku nshuro ya cumi u Rwanda ruhagarariwe n’Ambasade y’u Rwanda mu Buholandi, Ikigo cy’Igihugu cy’Iterambere (RDB) n’abanyarwanda bikorera ku giti cyabo ibijyanye n’ubukerarugendo mu Rwanda.

Rifungurwa, hagaragayemo ababyinnyi b’Abanyarwanda batuye mu Buholandi, berekana bimwe mu biranaga umuco nyarwanda, birimo no guhamiriza.
Ambasaderi w’u Rwanda mu Buholandi yabwiye IGIHE ko yakiriye neza iri murika rya 10 ry’ubukerarugendo.

Yagize ati “ Twishimiye kongera kwitabira imurika ku nshuro ya 10, tukakira Abanyarwanda baturutse mu gihugu baje baryitabiriye nk’uko bisanzwe.”

Yakomeje avuga ko abaryitabiriye harimo Ikigo cy’igihugu cy’iterambere (RDB) gihagarariwe na Mutesi Linda; Mugisha Davisdson wavuye mu Rwanda ahagarariye « Wildlife Tours – Rwanda »;Greg Bakunzi uhagarariye ‘Amahoro Tours’; Kayiranga Vedaste uhagarariye Mericator Assistance n’abandi.

Akomeza avuga ko kuri iyi nshuro ya 10, hongerewe ingano ya Stand y’u Rwanda kugira ngo ibashe gusurwa mu bwisanzure.

Kumurika iby’ubukerarugendo bw’u Rwanda, Amabasaderi ahamya ko bitanga umusaruro, kuko nyuma y’iry’umwaka ushize hari bamwe bigiriye mu Rwanda kwirebera ibyo baribwiriwemo. Byongeye, avuga ko muri abo harimo n’abanyamakuru bakaba abatangabuhamya.

Abanyarwanda berekanye imbyino z'umuco nyarwanda
Amabasaderi Karabaranga asobanurira umunyamahanga iby'i Rwanda
Ambasaderi Karabaranga n'Abanyarwanda bitabiriye imurika ry'ubukerarugendo
Mugisha Davidson uhagarariye Wildlife tours Rwanda yakira
Mutesi Linda uhagarariye RDB mu imurika yasobanuriraga abanyamahanga
Kayiranga yerekana Kigali

[email protected]
[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza