Kwamamaza

Nyetera, umwe mu bakomoka mu muryango w’Umwami Kigeli III Ndabarasa yapfuye

Yanditswe kuya 17-09-2012 saa 05:32' na Karirima A. Ngarambe
     


Nyetera Antoine Théophile, ukomoka mu muryango w’Umwami Kigeli III Ndabarasa yitabye Imana afite imyaka 75 y’amavuko.
Uyu mukambwe wari uzwiho kutavuga rumwe n’ubutegetsi buriho mu Rwanda yitabye Imana tariki ya 14 Nzeri 2012 mu Bubiligi azize indwara, nk’uko birimo kwandikwa na bimwe mu binyamakuru byandikirwa muri Bubiligi. Nyetera Antoine yakoze ibiganiro byinshi mbwirwaruhame bigamije kwerekana aho abogamiye mu kutavuga rumwe na Leta iriho mu Rwanda, yakoranye kandi na bamwe mu (...)

Nyetera Antoine Théophile, ukomoka mu muryango w’Umwami Kigeli III Ndabarasa yitabye Imana afite imyaka 75 y’amavuko.

Uyu mukambwe wari uzwiho kutavuga rumwe n’ubutegetsi buriho mu Rwanda yitabye Imana tariki ya 14 Nzeri 2012 mu Bubiligi azize indwara, nk’uko birimo kwandikwa na bimwe mu binyamakuru byandikirwa muri Bubiligi.

Nyetera Antoine yakoze ibiganiro byinshi mbwirwaruhame bigamije kwerekana aho abogamiye mu kutavuga rumwe na Leta iriho mu Rwanda, yakoranye kandi na bamwe mu banenga ubutegetsi bw’u Rwanda nk’Umufaransa Pierre Péan.

Apfuye kandi yarimo kwandika igitabo asize atarangije yise “De la Lance à la Kalashnikov”.

Nyetera Antoine nk’uko bigaragara mu mwirondoro we, yavutse tariki ya 13 Ukuboza mu mwaka wa 1936.

Aturuka mu muryango w’Umwami Kigeli III Ndabarasa, akaba yarize amashuri ye abanza ku Kamonyi, ayisumbuye i Kabgayi aza no kuba Umunyamabanga wihariye wa Musenyeri Alex Kagame.

Yakomeje amashuri ye mu Bufaransa 1964 kugeza 1967 aho yize ibijyanye n’ubugeni mu ishuri bita “Ecole Nationale des Beaux-Arts et des Arts appliqués à l’Industrie”, yakoze kandi muri Misiteri y’Amashuri Yisumbuye n’umuco muri kuva 1967 kugeza 1979, nyuma yakomeje ubushakashatsi nk’uwikorera ku giti cye abiterwamo inkunga na Minisiteri y’amashuri y’isumbuye n’ubushakashatsi mu by’umuco kugeza 1994.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved