Abanyamideli 60 bazitabira Kigali Fashion Week bamenyekanye (Amafoto)

Yanditswe na Ivan Nyagatare
Kuya 17 Gicurasi 2017 saa 07:18
Yasuwe :
1 0

Mu gihe imyiteguro y’ibirori ngarukamwaka byo kwerekana imideli ‘Kigali Fashion Week’ ku nshuro ya karindwi irimbanyije, abanyamideli 60 baziyerekana bateye intambwe igana mu cyiciro cya nyuma.

Amajonjora y’ibanze yahuje abanyamideli bagera kuri 300 baturutse mu bihugu birimo Kenya, u Bwongereza, Uganda, u Buhinde na Congo mu muhango wabaye ku Cyumweru tariki ya 14 Gicurasi 2017. Iki gikorwa cyamaze amasaha arenga atandatu cyabereye One Love ahazwi nko kwa Rasta ku Kimihurura.

Ndayishimiye Daniel uri gutegura iki gikorwa yatangarije IGIHE ko Kigali Fashion Week izitabirwa n’abakora imideli baturuka ku migabane yose.

Yagize ati “Kigali Fashion Week ni kimwe mu bikorwa bihuriza hamwe abantu bo mu ngeri zose bava mu bihugu bitandukanye bakaza kureba intera ikomeye abanyamideli bo mu Rwanda bamaze kugeraho ugereranyije n’abo mu bindi bihugu. Muri uyu mwaka abakora imideli barimo n’Abanyarwanda bari kuzamuka bazagaragaza ibikorwa byabo.”

Abanyamahanga bazabyitabira bazerekana ibikorwa byabo mu gihugu bambika abanyamideli b’Abanyarwanda.

Ibirori bya Kigali Fashion Week biteganyijwe kuva kuya 25 kugeza ku ya 27 Gicurasi 2017, bizabera muri Serena Hotel.

Abakiri bato bari baje kwihera ijisho uko abanyamideli biyerekana
N'abanyamahanga ntibacikanywe n'ibirori
Kwerekana imideli ni umwuga umaze gutera intambwe ifatika mu Rwanda
Ibi birori byitabiriwe n'abanyamideli bagera kuri 300 baturutse mu bihugu bitandukanye
Abanyamideli mu myiteguro isatira iya nyuma itegura Kigali Fashion Week
Abagize akanama nkemurampaka kari gashinzwe gutanga amanota ku banyamideli
Umwana muto yishimiwe cyane mu ntambuko y'abanyamideli
Abagize akanama nkemurampaka bateranya amanota mbere yo gutangaza abitwaye neza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza