Inzu y’imideli ya Versace igiye kugurwa miliyari $2.1

Yanditswe na Ishimwe Israel
Kuya 26 Nzeri 2018 saa 08:38
Yasuwe :
0 0

Inzu y’imideli ya Michael Kors iri mu zikomeye muri Amerika yatangaje ko igiye kugura iya Versace yo mu Butaliyani kuri miliyari $2.1.

Michael Kors iri kwagura imikorere yayo ku isoko mpuzamahanga nigura Versace izahindura izina yitwe Capri Holdings Limited. Iyi nzu y’imideli ni iy’Umunyamerika Michael David Kors, yayishinze mu 1981.

Versace igiye kugurwa ni sosiyete yo mu Butaliyani ikora ibijyanye n’imyenda yashinzwe na Gianni Versace mu 1978.

Donatella Versace ni Umuyobozi wungirije wa Versace Group, afitemo imigabane ingana na 20%. Uyu munyamideli w’imyaka 63 ayiyoboye kuva mu 1997 nyuma y’umwaka umuvandimwe we Gianni yishwe.

Yavuze ko kugurishwa “bizatuma Versace ikomeza kugira ubudahangarwa.”

Umuyobozi muri Michael Kors Holdings Limited, John Idol Donatella azakomeza kuyobora icyerekezo cya Versace.

BBC yanditse ko Michael iteganya kwagura ububiko bwa Versace bukava kuri 200 bukagera kuri 300 no kongera inyungu yinjiza ikagera kuri miliyari $2.

Kuva kera imyenda ya Versace ikunda kwambarwa n’ibyamamare nka Michael Jackson, Igikomangoma cya Wales Diana, Umuhanzi ukomeye mu Bwongereza, Elton John. Aba biyongeraho Umuraperi Nicki Minaj, abo mu miryango ya Kardashian na David Beckham n’abandi.
Ishoramari rya Michael ryagutse mu mwaka ushize nyuma yo kugura Uruganda rukora inkweto n’ibikapu rwa Jimmy Choo PLC kuri miliyoni £900.

Abasesenguzi bagaragaza ko kugura Versace bizafasha Michael Kors guhangana ku isoko n’inzu y’imideli ikomeye mu Bufaransa ya LVMH and Kering na Richemont yo mu Busuwisi.

Michael Kors uyobora inzu y’imideli yamwitiriwe yavukiye muri New York mu 1959. Yize ibyo gukina film ariko yahisemo kuba umunyamideli afite imyaka 14.

Gianni na Donatella Versace mu1996. Aha ni mbere y'umwaka umwe ataratabaruka
Michael Kors agiye kugura Versace iyobowe na Donatella Versace wari uyifitemo imigabane ingana na 20%
Elton John na Donatella Versace bitabiriye itangizwa rya Planet Hollywood ku wa 22 Ukwakira 1991 i New York City

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza