Kanye West agiye kumurika ikindi cyiciro cy’imideli yahanze

Yanditswe na Dusabimana Aimable
Kuya 2 Gashyantare 2017 saa 03:53
Yasuwe :
0 0

Kanye West wari umaze iminsi mu kiruhuko kubera uburwayi, agiye kumurika ubwoko bushya bw’imideli yahanze mu iserukiramuco ryo kurimba rigiye kubera mu Mujyi wa New York.

Uyu muraperi uri mu bavugwaho cyane muri USA, mu cyiciro cya gatatu cy’imideli ye yaherukaga kumurika indi myambaro yahanze yifashishije ifoto yafatiwe mu Rwanda mu nkambi ya Kibeho mu Karere ka Nyaruguru mu 1995.

Ifoto yagendeyeho ategura iyo ishusho y’uburyo abanyamideli bagombaga kugaragara, yafashwe n’Umwongereza witwa Paul Lowe mu 1995 i Kibeho mu Majyepfo y’u Rwanda.

US Magazine ivuga ko uyu muraperi agiye kumurika ubwoko butandukanye bw’imideli yahanze yo mu cyiciro cya gatanu mu yo yise ’Yeezy’. Biteganyijwe ko azerekana iyi myambaro mu cyumweru cyahariwe imideli cya ’New York Fashion Week’ yaherukaga kumurikiramo icyiciro cya kane.

Umwe mu bantu ba hafi b’umuryango w’aba-Kardashians yabwiye iki kinyamakuru ko guhera kuri Kim Kardashian kugeza no ku bana babo bari mu myiteguro yo gutera ingabo mu bitugu Kanye West.

Imideli mishya Kanye West yahanze azayimurikira ahitwa Pier 59 Studios muri Manhattan nyuma y’uko muri Nzeri 2016, yari yakoreye icyo gikorwa Franklin D. Roosevelt Four Freedoms Park hakagora abanyamideli bitewe n’ubushyuhe bwinshi bwari buhari.

Mbere y’uko agera ku cyiciro cya tatu cy’imideli yahanze yari yabanje gukora ikindi cyiciro mu ntangiriro za 2016, icyo gihe yatunguye abitabiriye ibirori bitewe n’uburyo yari yambitsemo abanyamideli be.

Ifoto Kanye West yigeze kwifashisha yafatiwe i Kibeho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza