Ubwoko bw’amavuta n’ibirungo umugore wa Trump yari yisize mu muhango w’irahira ry’umugabo we

Yanditswe na Mukaneza M.Ange
Kuya 24 Mutarama 2017 saa 04:56
Yasuwe :
1 0

Ku wa 20 Mutarama 2017, nibwo Donald Trump yarahiriye kuba Perezida wa 45 wa Leta Zunze Ubumwe za Amerika, umuhango witabiriwe n’umugore we Melania Trump wanamufashije ibitabo birimo Bibiliya yarahiriyeho.

Mu mihango itandukanye yaranze uyu munsi, Melania Trump wahoze ari umunyamideli yari yabukereye aho mu maso yari yasizwe n’uwitwa Nicole Bryl n’aho imisatsi ye itunganywa na Mordechai Alvow.

Aba bombi babwiye US Weekly ko kuri uriya munsi, ibyakoreshejwe mu maso no mu musatsi we byatwaye amadorali 901 (asaga ibihumbi 700 by’amafaranga y’u Rwanda).

Bryl yavuze ko amazi yifashishwa mu gutuma uruhu ruba rutoto (Face Lifting Water) yakoreshejwe yaguzwe amadorali 450 n’aho umuti utuma uruhu rurushaho gusa neza (Face Perfecting Serum) ugurwa amadorali 225, kubitegura bikaba byaratwaye amasaha 46.

Andi mafaranga asigaye yakoreshejwe mu bindi birungo byakoreshejwe mu gusiga ibice bitandukanye birimo mu maso.

Alvow wamusokoje yavuze ko bahisemo gusa n’abafungira imisatsi inyuma, mike akaba ariyo iza mu maso, kugira ngo itaza kubangamira ikanzu yari yambaye yahanzwe ku bufatanye n’umuhanzi w’imideli witwa Ralph Lauren.

Insokozo, ibirungo n’imyenda yari yambaye kandi biri mu byagize uruhare mu gutuma imiterere ye yifuzwa n’abatari bake irushaho kugaragara.

Melania Trump, umugore wa Donald Trump yakuze yerekana imideli
Ku myaka 46 y'amavuko, Melania amaranye imyaka 17 na Donald Trump
Ubwoko bw'amavuta Melania yakoresheje ku munsi w'irahira ry'umugabo we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza