Umunyamerika yesheje umuhigo wo gusura ingagi zo mu Birunga inshuro ijana

Yanditswe na Uwishyaka Jean Louis
Kuya 18 Ugushyingo 2016 saa 05:08
Yasuwe :
0 0

Joe McDonald, umunyamerika w’inzobere mu gufotora, wari warihaye intego yo gusura ingagi zo mu Birunga inshuro 100, yayigezeho kuri uyu wa Gatanu.

Ubwo yahiguraga umuhigo we kuri uyu wa 18 Ugushyingo 2016, Joe McDonald yari aherekejwe n’umugore we Mary Ann McDonald ndetse n’irindi tsinda ry’inshuti zabo zaturutse muri Leta Zunze Ubumwe za Amerika zije mu Rwanda kwifatanya nawe mu byishimo.

Mu 2013, Joe McDonald ngo yari amaze gukoresha miliyoni y’amadorali mu gusura ingagi zo mu Birunga mu Rwanda.

Joe McDonald n’umugore we ni abahanga mu gufotora, umwuga bamazemo imyaka irenga 25. Bafotora amafoto y’ibyanya nyaburanga birimo na Pariki y’Ibirunga.

Uretse gufotora, Joe McDonald anigisha gufotora na porogaramu yifashishwa mu gutunganya amafoto (Photoshop) mu nzu yabo (studio) iherereye muri Leta ya Pennsylvania.

We n’umugore we batsindiye ibihembo by’umufotozi mwiza bitangwa na BBC inshuro 14 mu bafotoye mu bice nyaburanga .

Joe McDonald n'umugore we bishimiye kuba babashije kwesa umuhigo wabo wo gusura ingagi inshuro 100
Bari bakenyeye kinyarwanda mu birori byabo
Bagaragarijwe ibyishimo, basusurutswa n'itorero ribyina
Banditse igitabo kivuga ku muhigo wabo beshereje mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244