Kwamamaza

Minirena ihamya ko u Rwanda rufite amazi ahagije, ikibazo kikaba kuyafata neza

Yanditswe kuya 11-05-2016 saa 10:26' na Prudence Kwizera


Minisiteri y’umutungo Kamere (Minirena), ivuga ko mu Rwanda hari amazi ahagije, ariko hakiri ikibazo cy’abataramenya kuyafata neza, bikaba ari bimwe mu biteza ingaruka zitari nziza, bityo igasaba abayobozi bafite aho bahuriye n’amazi mu nshingano zabo, kugira uruhare mu gukangurira abo bayobora kuyitaho.

Byagarutsweho mu mpera z’icyumweru dusoje, ubwo iyi Minisiteri yatangaga amahugurwa ku bayobozi b’inzego z’ibanze bo mu turere dutandukanye mu Rwanda, bafite aho bahuriye no kubungabunga amazi n’ibidukikije muri rusange, aho biyemeje gushakira umuti inzitizi zishobora gutuma amazi ateza ibibazo.

Vincent de Paul Kabalisa, Umuyobozi mukuru wungirije mu kigo cy’umutungo kamere ushinzwe imicungire y’amazi, yavuze ko kugeza ubu mu Rwanda hari amazi ahagije, ariko ko mu gihe adafashwe neza ashobora guteza ingaruka, cyane cyane bishingiye ku bwiyongere bw’abaturage bangiza ibidukikije.

Kabalisa ati “Dufite amazi menshi, ariko araducika, ikibazo dukomeza kugira ni uko tutaragira ubushobozi n’ubumenyi buhagije bwo kuyafata, ugasanga araducika akaduteza ibibazo by’isuri, imyuzure n’ibindi, (...) dukwiye gukora uko dushoboye ayo mazi tukayabika tugashobora kuyageza ku baturage ameze neza”.

Kabalisa yakomeje avuga ko bifuza gukorana n’inzego z’ibanze hagamijwe gufata neza amazi.

Ati “Ibibazo by’ubucukuzi n’imihingire idahwitse, ibibazo by’amashyamba agenda ashira ni bimwe mu biteza isuri ikangiza imigezi, (...) icyo turi kuganiraho ni ukureba uko twagira ubufatanye buhoraho n’abayobozi ndetse n’abaturage bakigishwa gufata neza amazi”.

Bamwe mu bayobozi bafite aho bahuriye n’amazi mu nshingano, bahawe amasomo mu cyiciro cy’inzego z’ibanze, bagaragaje ko aho baturiye hari imigezi yatangiye kwangirika, ariko bemeza ko bafashe ingamba mu buryo bunyuranye, hagamijwe gushaka umuti w’ikibazo cy’amazi kugira ngo adateza ibibazo.

Muri aya mahugurwa yahawe abayobozi b’inzego z’ibanze bafite aho bahuriye n’amazi mu nshingano zabo, hatowe na Komite yo ku rwego rw’igihugu, izagenzura niba ibyemejwe bishyirwa mu bikorwa.

By’umwihariko hakaba hibanzwe ku gufata neza icyogogo cya Nyabarongo, ni ukuvuga amabanga y’imisozi amena amazi mu mugezi wa Nyabarongo.

Vincent de Paul Kabalisa, Umuyobozi mukuru wungirije mu kigo cy’umutungo kamere ushinzwe imicungire y’amazi
Abayobozi b’inzego z’ibanze bafite aho bahuriye n’amazi mu nshingano zabo, biyemeje gutanga umusanzu mu gufata neza amazi no kurengera ibidukikije

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved