Umwaka wa 2100 ushobora kururira ikiremwamuntu kubera ihindagurika ry’ibihe

Yanditswe na Bizimana Jonathan
Kuya 20 Nzeri 2017 saa 06:09
Yasuwe :
0 0

Abashakashatsi bo muri Leta Zunze Ubumwe za Amerika batangaje ko ubwiyongere bw’ubushyuhe buri ku gipimo cyo hejuru ya dogere Celsius 3, mu myaka 100 iri imbere bushobora kuzatera ibiza bikomeye, ku buryo niburamuka bwiyongereye ku gipimo cya dogere Celsius 5, hashobora kubaho ‘ingaruka zitaramenyekana’ zishobora no kugeza ku ibura ry’ubuzima ku Isi.

Veerabhadran Ramanathan, umwarimu w’ibijyanye n’ihindagurika ry’ibihe n’ubumenyi bw’ikirere muri Kaminuza ya California, atangaza ko abantu badakwiye gufata izi ngaruka nk’ibintu byoroshye, kuko kuri we abisanisha n’uko ‘indege 1 muri 20 uzajyamo’, izashwanyagurika igahinduka umuyonga.

Amavugurura yakorewe i Kigali ku masezerano ya Montreal, agena uburyo bwo kugabanya ikorwa n’ikoreshwa ry’imyuka ya ‘Hydrofluorocarbons (HFCs) igira uruhare runini mu izamuka ry’ubushyuhe bw’Isi yitezweho gutanga igisubizo kuri iki kibazo.

Abahanga bagaragaza ko guhagarika ikora n’ikoreshwa ry’iyi myuka ya HFCs ahanini yifashishwa mu byuma bikonjesha, bishobora kugabanya dogere 0.5 ku mpuzandengo y’izamuka ry’ubushyuhe bw’Isi.

Muri aya masezerano ibihugu bikize birimo ibyo ku mugabane w’u Burayi, Leta Zunze Ubumwe za Amerika n’ibindi bizatangira guhagarika ikoreshwa ry’ibyuma bikonjesha bisohora HFCs, kugeza ku 10% mu 2019.

Umuhanga mu byerekeye ihindagurika ry’ikirere, yatangaje ko mu mwaka wa 2100 bimwe mu bihugu bya Afurika nka Tchad, Niger na Angola, urwego rw’ubuhinzi rwabyo rushobora kuzaba amateka rukibagirana burundu. Gusa ibihugu byo munsi y’ubutayu bwa Sahara ni byo Banki y’Isi ivuga ko bizibasirwa cyane n’ingaruka z’ihindagurika ry’ibihe mu rwego rw’ubuhinzi.

Dr. Ramanathan na mugenzi we Yangyang Xu, umwarimu muri Kaminuza ya Texas A&M, basobanuye ingamba zikwiye gufatwa mu kwirinda ziriya ngaruka zaterwa n’imihandagurikire y’ikirere nk’uko tubikesha Daily Maily.

Muri izo ngamba, hari gukumira imyuka ituruka mu byuma bikonjesha, HFCs, kuko ibi byuma bikurura ubushyuhe bw’izuba inshuro 1000 kurusha umwuka wa CO2 na wo ugira uruhare rukomeye mu ihindagurika ry’ikirere, ibi byose bikaba bikwiye gukumirwa hahangwa udushya.

Imyuka yangiza ikirere ishobora kuzasiga abantu benshi mu kangaratete

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza