Kwamamaza
  IGIHE.com

Hafashwe ingamba nshya mu guca amashashi habungabungwa ibidukikije

Yanditswe kuya 15-01-2013 saa 10:38' na IGIHE
     


Mu rwego rwo kurengera ibidukikije cyane cyane kurwanya ikoreshwa ry’amashashi yangiza ibidukikije, Minisitiri w’Intebe Dr Pierre Damien Habumuremyi yakoranye inama n’inzego zigira uruhare mu kurengera ibidukikije kugira hafatwe ingamba zihamye.
Abaturage bongeye gukangurirwa kwirinda gukoresha amashashi kandi bakagira uruhare mu kugaragaza uwo ari we wese urenga ku mabwiriza yatanzwe. Igenzura mu gihugu hose no ku mipaka rizakorwa n’inzego zibishinzwe mu rwego rwo gukumira icuruzwa (...)

Mu rwego rwo kurengera ibidukikije cyane cyane kurwanya ikoreshwa ry’amashashi yangiza ibidukikije, Minisitiri w’Intebe Dr Pierre Damien Habumuremyi yakoranye inama n’inzego zigira uruhare mu kurengera ibidukikije kugira hafatwe ingamba zihamye.

Abaturage bongeye gukangurirwa kwirinda gukoresha amashashi kandi bakagira uruhare mu kugaragaza uwo ari we wese urenga ku mabwiriza yatanzwe. Igenzura mu gihugu hose no ku mipaka rizakorwa n’inzego zibishinzwe mu rwego rwo gukumira icuruzwa n’ikoreshwa ry’amashashi mu Rwanda, kandi umuturage uzafatwa ayacuruza cg ayakoresha azahanwa hakurikije amategeko.

Mu rwego rw’umuganda rusange wo ku wa 26 Mutarama 2013, mu gihugu hose hazakorwa isuku igamije kurengera ibidukikije harimo no gushaka aho ari ho hose haba harajugunywe amashashi kugira ngo azakusanyirizwe ahabigenewe.

Inzego zibishinzwe zahawe amabwiriza yo gushaka uburyo burambye bw’ishoramari mu bishobora gusimbura amashashi byakoreshwa mu bucuruzi no korohereza ubuhahirane.

Mu rwego rwo kurengera ibidukikije no kwimakaza umuco w’isuku, inzego z’ubuyobozi bw’ibanze cyane cyane mu Mijyi zasabwe gushyiraho ibikoresho bijugunywamo imyanda cyangwa ibikoresho byakoreshejwe; naho imodoka zitwara abantu zisabwa gushyiraho ahagenewe kujugunya ibyo abagenzi bari mu modoka bakoresheje mu rugendo byaba ibijyanye no kurya cyangwa kunywa.

Inzego zibishinzwe zasabwe gukurikirana uko ku hantu hacururizwa ibikomoka kuri peteroli hashyirwaho ubwiherero rusange bwishyurwa mu gihe kitarenze amezi abiri, kimwe no gukurikirana umushinga wo gushyira ku mihanda minini aho abagenzi baruhukira kandi hari ibyangombwa bikenerwa n’abagenzi birimo n’ubwiherero.

Turabikesha Serivisi za Minisitiri w’Intebe

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved