Kwamamaza

Inkeragutabara mu kwita ku ishyamba rya Gishwati

Yanditswe kuya 7-01-2012 saa 08:16' na Ishimwe Samuel
     


Ingabo z’igihugu zibumbiye mu mutwe w’inkeragutabara, kuwa Gatanu zatangije igikorwa cyo gutera ibiti ku misozi yahozeho ishyamba rya Gishwati mu Karere ka Nyabihu.
Iki gikorwa cyari kitabiriwe n’abayobozi bayobowe na Ministiri w’umutungo kamere, Stanislas Kamanzi na Minisitiri w’ingabo Gen. Kabarebe James.
Mu ijambo yagejeje ku baturage b’akarere ka Nyabihu, Ministiri Kabarebe yashimiye abaturage ku bw’umurava bagize muri iki gikorwa, ati:”Nta muntu utashimira abaturage ba Nyabihu ku kuntu (...)

Ingabo z’igihugu zibumbiye mu mutwe w’inkeragutabara, kuwa Gatanu zatangije igikorwa cyo gutera ibiti ku misozi yahozeho ishyamba rya Gishwati mu Karere ka Nyabihu.

Iki gikorwa cyari kitabiriwe n’abayobozi bayobowe na Ministiri w’umutungo kamere, Stanislas Kamanzi na Minisitiri w’ingabo Gen. Kabarebe James.

Mu ijambo yagejeje ku baturage b’akarere ka Nyabihu, Ministiri Kabarebe yashimiye abaturage ku bw’umurava bagize muri iki gikorwa, ati:”Nta muntu utashimira abaturage ba Nyabihu ku kuntu bahinduye imyumvire ijyanye no kubungabunga ishyamba rya Gishwati.”

Yakomeje ashimira umutwe w’Inkeragutabara, ndetse anasaba abaturage gufatanya nazo muri iki gikorwa cyo kurengera ibidukikije.
Ministiri w’umutungo kamere, Kamanzi yasabye abaturage kubungabunga ibimaze kugerwaho, agira ati:”Aya ni amashyamba yanyu ntibikwiye ko bamwe muri mwe baca inyuma bakayangiza.”

Yababwiye kandi ko kubungabunga amashyamba biri mu ntego z’u Rwanda, ati:”U Rwanda rugomba kuba igihugu gitoshye, gifite amashyamba aje kubungabunga ibindi bikorwa by’ubuhinzi n’umutungo kamere.”

Abaturage bimuwe ahari ishyamba rya Gishwati kandi bari bafite amashyamba bateye, nabo bahawe icyizere na Ministiri w’umutungo kamere, wabemereye ko bari gushyiraho gahunda yo kubishyura.

Uretse gutera ibiti ku misozi yahozeho ishyamba rya Gishwati, abayobozi batandukanye basuye ibindi bikorwa by’inkeragutabara mu murenge wa Bigogwe aho inkeragutabara zakoze amaterasi y’indinganire ku buso bwa hegitari 100, ndetse no mu karere ka Rubavu ahari ibikorwa byo gutunganya umusozi wa Rubavu uzaba ahantu nyaburanga.

Inkeragutabara zitabiriye ibikorwa bitandukanye bigamije kubungabunga ibidukikije, aho nko mu karere ka Kayonza bateganya gutera ibiti bigera kuri 1 384 400 kuri hegitari 774 ziri ku misozi yambaye ubusa, mu gihe cy’imyaka ibiri.

Ishyamba rya Gishwati riri kongera kwitabwaho
Inkeragutabara ziri ku isonga mu gusubiranya iri shyamba
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved