REMA yasoje amahugurwa ku bakozi bo muri servisi z’iteganyagihe

Yashyizweho kuya 11-11-2012 - Saa 12:30' na IGIHE
Ikigo cy’Igihugu cyo Kubungabunga Ibidukikije (REMA) kibinyujije mu mishinga ya AAP na LDCF cyahuguye mu gihe cy’amezi abiri abakozi bo muri serivisi y’iteganyagihe n’abo mu micungire y’ibiza. Aya mahugurwa yibanze ku kubaha ubumenyi mu buryo hakorwa iteganyagihe rinonze ndetse n’uburyo bwo gukumira ingaruka zaterwa n’ibiza hashingiwe ku iteganyagihe. Uretse amahugurwa, REMA ibinyujije mu mishinga AAP na LDCF izatanga n’ubushobozi bw’ibikoresho by’iteganyagihe harimo stasiyo z’iteganyagihe zihera kuri 22 ziyongera kuzari zisanzwe hirya no hino mu gihugu n’ibindi bikoresho. Mu rwego kandi rwo kurengera ibidukikije no kwirinda ingaruka z’ibiza bituruka ku miturire mibi, Minisitiri w’intebe Dr Pierre Damien Habumuremyi yifatanije n’abaturage bo mu murenge wa Nyabinoni mu karere ka muhanga mu gikorwa cyo gushyira ibuye ryifatizo ahazubakwa umudugudu w’icyitegererezo uzatuzwamo abaturage bari batuye ahantu h’amanegeka. Uyu mudugudu uzubakwa na REMA ibinyujije mu mushinga wo kurengera ibidukikije no kurwanya ubukene PEI.
IBITEKEREZO
byaba byiza REMA isuye kaminuza yacu y'umutara Polytechnic kuko natwe twiga Evironmental health and epidemiologie ikaduha amahugurwa ku micungire y'ibiza
Musubize 22.11.2012 saa 12:52
innocent

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!