U Rwanda n’u Bushinwa mu bufatanye mu kubungabunga ibinyabuzima ; FONERWA n’amahugurwa y’abagore ku bidukikije

Yashyizweho kuya 30-11-2012 - Saa 09:25' na IGIHE

• Tweet

Ubufatanye hagati y’u Rwanda n’u Bushinwa mu bikorwa byo kubungabunga urusobe rw’ibinyabuzima (Rwanda-China national ecosystem management partnership). Guverinoma y’u Rwanda ibinyujije mu ikigo cy’igihugu cyo kubungabunga ibidukikije (REMA) hamwe n’ikigo UNEP-IEMP gikorera mu bushinwa bashyize umukono ku masezerano y’ubufatanye ku mpande zombi. aya masezerano ashingiye ku bikorwa by’ubushakashatsi , guhererekanya ubumenyi ku mibungabungire y’urusobe rw’ibinyabuzima no gusana ahantu h’amanegeka. Inyigo y’imiterere y’ikigega kigenewe gutera inkunga ibikorwa byo kubungabunga ibidukikije mu Rwanda (FONERWA) yashyizwe ahagaragara. Ikigo cy’igihugu cyo kubungabunga ibidukikije (REMA) kibinyujije mu mishinga LDCF na DEMP cyasoje amahugurwa agenewe abagore bahagarariye abandi mu nama y’igihugu y’abagore ku rwego rw’uturere n’imirenge ndetse n’abo muri komite z’ibidukikije ku kubungabunga ibidukikije no guhangana n’imihindagurikire y’ibihe bategura imishinga bakanishyira hamwe mu rwego rwo kugera ku iterambere rirambye. amahugurwa yitabiriwe n’abarenga 500 bo mu turere twa Rutsiro, Rubavu, Nyabihu, Ngororero, Karongi, Bugesera, Ngoma, Kayonza, Rwamagana, Gatsibo na Kirehe. Foto/REMA