Intenet igiye gutuma ibyangombwa byo mu Rwanda bitangwa ntawe uhagurutse iwe

Yanditswe na Olivier Muhirwa
Kuya 20 Gashyantare 2013 saa 06:09
Yasuwe :
0 0

Hari gutekerezwa uko buri muntu yajya ahabwa serivisi z’ibyangombwa birenga ijana bitangirwa mu Rwanda atiriwe ajya gutonda umurongo aho abiherwa. Hazifashishwa ikoranabuhanga kugira ngo ibi bigerweho.
Ibi ngo byemejwe nyuma y’uko bigaragaye ko abantu benshi bavunika bajya gutonda umurongo ahatangirwa ibyangombwa, bikabahenda mu ngendo, bikica akazi n’ibindi bitera imbogamizi. Mu kugera kuri ibi, hazigirwa ku byakozwe na bimwe mu bigo bitandukanye kugira ngo ikoranabuhanga rigezwe hirya no (...)

Hari gutekerezwa uko buri muntu yajya ahabwa serivisi z’ibyangombwa birenga ijana bitangirwa mu Rwanda atiriwe ajya gutonda umurongo aho abiherwa. Hazifashishwa ikoranabuhanga kugira ngo ibi bigerweho.

Ibi ngo byemejwe nyuma y’uko bigaragaye ko abantu benshi bavunika bajya gutonda umurongo ahatangirwa ibyangombwa, bikabahenda mu ngendo, bikica akazi n’ibindi bitera imbogamizi. Mu kugera kuri ibi, hazigirwa ku byakozwe na bimwe mu bigo bitandukanye kugira ngo ikoranabuhanga rigezwe hirya no hino ku mirenge yo mu Rwanda.

Minisitiri w’Urubyiruko n’Ikoranabunga Nsengimana Jean Philbert, atanga ingero z’ibyo byangombwa yagize ati “Reka tuvuge nk’ibyangombwa bitangirwa ku mirenge nk’ibyemezo by’amavuko, kwiyandikisha ku bifuza gushakana, ibyemezo by’abashakanye, guhindura ibyangombwa, ibyemezo by’ubutaka, iby’imisoro n’ibindi byose bituma abantu batonda umurongo cyangwa bakabwira umuturage ngo asubireyo ajye hirya no hino kuzana ibindi byangombwa.”

Minisitiri Nsengimana, avuga ko byose bishoboka: “Niba ufite mudasobwa na internet, ni gute wagezwaho serivisi utiriwe uhaguruka? Hari ibyangombwa bitangirwa mu Rwanda birenga ijana, nta mpamvu yatuma Umunyarwanda akomeza kuvunika abyirukaho hari ikoranabuhanga.”

Gusa ngo hari bimwe mu bigo bikenerwaho ibyangombwa bigasaba ko umuntu agenda bakamureba neza, agatanga ibimuranga nk’igikumwe n’ibindi.
Ku batazi gusoma no kwandika no ku batazi gukoresha ikoranabuhanga, ngo mu rwego rwo kubafasha, hari kwagurwa ikoranabuhanga muri buri murenge.

Anavuga ko uburyo bwo gukoresha mudasobwa mu Kinyarwanda buzagoboka abatazi gukoresha izindi ndimi, ndetse ngo harimo no gutegurwa telefone ziri mu Kinyarwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza