Apple irashaka kugura kimwe mu bikorwa by’ubucuruzi bya Toshiba

Yanditswe na Mukaneza M.Ange
Kuya 15 Mata 2017 saa 07:55
Yasuwe :
0 0

Nyuma y’aho Toshiba, Sosiyete y’Abayapani ikora ibikoresho by’ikoranabuhanga itangarije ko yagize igihombo gikomeye, ndetse iteganya kugurisha bimwe mu bikorwa by’ubucuruzi, hari amakuru avuga ko uruganda rwa Apple rushaka kwegukana ishami ryakoraga utwuma twifashishwa mu kubika amakuru (chip).

Mu ntangiriro z’iki Cyumweru nibwo Toshiba yamenyekanye cyane mu gukora mudasobwa na chip, yatangaje ko yahombye miliyari 4.8 z’amadolari, icyo gihe hari amakuru yavugaga ko ishobora no guhagarika bimwe mu bikorwa byayo.

Nk’uko ikinyamakuru NHK cyo mu Buyapani cyabitangaje, Apple irifuza gushora amafaranga menshi muri iri shami, ariko na none igahamo Toshiba imigabane ingana na 20%.

Ibi ngo ni ukugira ngo ikorwa rya chip rigume mu maboko y’Abayapani n’Abanyamerika no gukuraho impungenge zari zagaragajwe na Leta y’u Buyapani ko igihe iri shami ryaba riguzwe n’abanyamahanga bishobora kugira ingaruka ku mutekano w’igihugu.

Yaba Apple ndetse n’indi sosiyete yitwa Foxconn yo muri Taiwan, nta n’umwe wigeze agira icyo atangaza kuri aya makuru y’uko zifuza kugura kimwe mu bikorwa by’ubucuruzi bwa Toshiba.

Hari n’izindi sosiyete zifuza kugura amashami atandukanye ya Toshiba arimo irikora televiziyo na memory card.

Mu 2016, umutungo wa Toshiba ifite abakozi basaga 187 809 wabarirwa muri miliyari ibihumbi 5433 z’ama Yen.

Apple irashaka kugura kimwe mu bikorwa by’ubucuruzi bya Toshiba

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza