Boeing yashyize imbaraga no mu gukora ‘drones’

Yanditswe na Mfitumukiza Moïse
Kuya 12 Ukwakira 2017 saa 05:12
Yasuwe :
0 0

Boeing, ikompanyi y’Abanyamerika ikora, ikanacuruza indege, irateganya kugura ikigo cya Aurora Flight Sciences gikora drones n’ibikoresho by’indege hagamijwe kongera imbaraga mu mushinga wo gukora indege za gisirikare zitagira abapilote n’iz’umuntu ku giti cye.

Mu ntangiriro z’uku kwezi, Umuyobozi ushinzwe ikoranabuhanga muri Boeing, Greg Hyslop, yavuze ko guhuza imbaraga n’iyi kompanyi bizabafasha mu kwihutisha ikorwa ry’izo ndege zitagira abapilote.

Nk’uko Bloomberg yabitangaje, Greg yavuze ko “batamenya uko ejo hazaza hazaba hameze ariko ko uko ingenzo zo mu kirere zizaba zimeze kose, Boeing igomba kuba ku isonga.

Boeing yemeza ko isi y’ahazaza izaba iyobowe n’ikoranabuhanga n’ubwenge bw’ubukorano (artificial intelligence), bityo ko ku bufatanye na Aurora bazabasha kuyibamo neza.

Kompanyi ya Aurora yashinzwe mu 1989, ifite abakozi barenga 550, biteganyijwe ko izagumana izina ryayo ndetse ko izakomeza gukorana n’abafatanyabikorwa bayo.

Umuyobozi mukuru wa Aurora, John Langford, yavuze ko ubu bufatanye buzatuma bakora ibikoresho biri ku rwego mpuzamahanga.

Muri Kanama nibwo Boeing yatangaje ko ifite umushinga wo gukora indege zitagira abapilote, aho byitezweho kuzamura ingendo zo mu kirere.

Nubwo agaciro k’amadolari azishyurwa katashyizwe, biteganyijwe ayo Boeing izihyura Aurora azemezwa n’Ibiro bya Gisirikare bya Leta Zunze Ubumwe za Amerika.


Niba ushaka kuduha inkuru waduhamagara kuri 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza