Minisitiri Rurangirwa yasabye ko ikoranabuhanga rigirwa igicumbi cyo guhanga imirimo

Yanditswe na IGIHE
Kuya 7 Kamena 2018 saa 08:36
Yasuwe :
0 0

Minisitiri w’Ikoranabuhanga n’Itumanaho (MiTEC), Rurangirwa Jean de Dieu, yasabye abafatanyabikorwa mu by’ikoranabuhanga kuriteza imbere rikagera ku rwego rwo kuba igicumbi cyo guhanga imirimo.
Kuri uyu wa Kane, Minisiteri y’ikoranabuhanga n’Itumanaho yateguye umunsi w’ubumenyi mu ikoranabuhanga ‘Digital Talent Day’, cyahurije hamwe abafatanyabikorwa batandukanye baturutse mu bigo bya leta, abikorera n’imiryango itegamiye kuri leta.
Iki gikorwa cyari kigamije kuganira ndetse no kurebera hamwe (...)

Minisitiri w’Ikoranabuhanga n’Itumanaho (MiTEC), Rurangirwa Jean de Dieu, yasabye abafatanyabikorwa mu by’ikoranabuhanga kuriteza imbere rikagera ku rwego rwo kuba igicumbi cyo guhanga imirimo.

Kuri uyu wa Kane, Minisiteri y’ikoranabuhanga n’Itumanaho yateguye umunsi w’ubumenyi mu ikoranabuhanga ‘Digital Talent Day’, cyahurije hamwe abafatanyabikorwa batandukanye baturutse mu bigo bya leta, abikorera n’imiryango itegamiye kuri leta.

Iki gikorwa cyari kigamije kuganira ndetse no kurebera hamwe imishinga ijyanye no kubaka ubushobozi mu by’ikoranabuhanga. Bimwe mu byaganiriweho ni ingamba zo guteza imbere siyansi, ikoranabuhanga no guhanga udushya, ubushakashatsi bugamije iterambere, amahirwe y’imirimo ari mu ikoranabuhanga.

Haganiriwe kandi ku kamaro ko kongera ubumenyi mu by’ikoranabuhanga mu guhangana n’ibibazo birikomokaho ndetse n’imishinga yo guhanga udushya mu ikoranabuhanga mu mashuri y’imyuga n’ubumenyingiro.

Minisitiri w’Ikoranabuhanga n’Itumanaho, Rurangirwa Jean de Dieu, yabwiye abitabiriye iki gikorwa ko ari ngombwa kubaka ubushobozi mu ikoranabuhanga kugira ngo rigire uruhare mu guhanga imirimo.

Yakomeje abasaba gushyira mu bikorwa inshingano zabo n’ibyo biyemeje kugira ngo umwaka utaha, umunsi nk’uyu, batongera gusubira kuvuga ku bintu bimwe.

Ati “Ni gute twakongera uko dushyira hamwe mu mishinga itandukanye kugira ngo duteze imbere ikoranabuhanga?”

Yabasabye kongera ubufatanye mu guteza imbere urwego rw’ikoranabuhanga buri wese ashyira mu bikorwa inshingano ze.

Guverinoma y’u Rwanda yashyize imbere gahunda yo guteza imbere ubumenyi n’ikoranabuhanga nk’imwe mu nkingi izafasha Abanyarwanda gutera imbere bakagera ku bukungu buciriritse mu 2035.

Minisitiri w’Ikoranabuhanga n’Itumanaho, Rurangirwa Jean de Dieu
Abaturutse mu nzego zitandukanye bitabiriye umunsi w’ubumenyi mu ikoranabuhanga
Abantu batandukanye bakora mu bijyanye n'ikoranabuhanga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza