Kwamamaza

Samsung Galaxy Note 7 yahagaritswe kwinjizwa no gucuruzwa mu Rwanda

Yanditswe kuya 12-10-2016 saa 20:00' na Philbert Hagengimana


Nyuma y’aho uruganda rukora telefoni Samsung Galaxy Note 7 rusabye abazitunze hirya no hino ku isi kuba bazijimije, ndetse n’abazicuruza kuba babihagaritse, Ikigo cy’igihugu gishinzwe imirimo imwe n’imwe ifitiye igihugu akamaro (RURA), cyamaze guhagarika iyinjizwa n’ikwirakwizwa ryazo mu Rwanda.

Itangazo RURA yashyize ahagaragara kuri uyu wa Gatatu tariki 12 Ukwakira 2016, rishyizweho umukono na Maj.Patrick Nyirishema, Umuyobozi wayo, rivuga ko nta telefoni ya Samsung Galaxy Note 7 yemerewe kwinjizwa no gukwirakwiza mu Rwanda.

Maj Nyirishema yavuze ko bitewe n’impamvu z’umutekano, abaturage baba baraziguze mu mahanga bakwiye kuzizimya ndetse no kuzisubiza aho baziguze.

Iki cyemezo kije gikurikira icya sosiyete ya RwandAir yari iherutse gufata umwanzuro wo gukumira izi telefoni mu ndege zayo.

Uruganda rwa Samsung narwo rwari rumaze iminsi mike rumenyesheje abakiriya barwo ko abatunze izi telefoni baba bazijimije ndetse n’abazicuruza kuba babihagaritse kugira ngo ibanze ikore iperereza ku iturika ryazo rivugwa.

Muri Nzeri 2016 nibwo Samsung, yasabye ko telefoni Samsung Galaxy Note 7 zigera kuri miliyoni 2.5 zari zaramaze kugurishwa zasubizwa ku ruganda nyuma y’uko rwakiriye ibirego by’abantu bagaragaza ko batiri zazo ziri guturika.

Nubwo Samsung yari yijeje abakiliya bayo ko telefoni zamaze gusimbuzwa izo nta kibazo zizongera kugira, hari amakuru avuga ko nazo zikomeje gushya.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved