Kwamamaza Tigo_ P2P

Minisitiri w’Intebe arasaba abakuriye umushinga wa gazi metane kwihutisha icyo gikorwa

Yanditswe kuya 27-03-2012 saa 17:16' na IGIHE
     


Minisitiri w’intebe Dr. Habumuremyi Pierre Damien arasaba abakuriye umushinga wa gazi metane (Gaz Methane) ndetse n’inzego zose zirebwa n’iki gikorwa kwihutisha ibisabwa kugira ngo imirimo iteganijwe ikorwe ku gihe ndetse n’ibyo u Rwanda rutegerejemo harimo n’umuriro w’amashanyarazi bibashe kugerwaho.
Habumuremyi yabivugiye mu Karere ka Karongi ubwo yasuraga uyu mushinga. Umushinga wo gucukura gazi wa Kivu Watt ukorera uyu mushinga mu Murenge wa Bwishyura. Mu rwego rwo kureba aho imirimo igeze (...)

Minisitiri w’intebe Dr. Habumuremyi Pierre Damien arasaba abakuriye umushinga wa gazi metane (Gaz Methane) ndetse n’inzego zose zirebwa n’iki gikorwa kwihutisha ibisabwa kugira ngo imirimo iteganijwe ikorwe ku gihe ndetse n’ibyo u Rwanda rutegerejemo harimo n’umuriro w’amashanyarazi bibashe kugerwaho.

Habumuremyi yabivugiye mu Karere ka Karongi ubwo yasuraga uyu mushinga. Umushinga wo gucukura gazi wa Kivu Watt ukorera uyu mushinga mu Murenge wa Bwishyura. Mu rwego rwo kureba aho imirimo igeze kugira ngo bizashyirwe ahagaragara, Minisitiri w’Intebe yasuye ibikorwa byawo, nyuma yo gusobanurirwa ibiwukubiyemo no gusobanura ibyo yababazaga akaba yanasuye ahari inyubako eshatu zigize uyu mushinga.

Umunyamabanga ushinzwe ingufu muri Minisiteri y’Ibikorwaremezo, Isumbingabo Emma Francoise asobanura ko ku birebana n’igihe iyi mirimo yose izatwara n’abakozi bakoramo.

Yagize ati: “Mu by’ukuri icyo Minisitiri yadusabye ni nacyo twese twifuza kandi duharanira ni uko dukurikiza amatariki twamuhaye hanyuma tugakora uko dushoboye kose kugira ngo twubahirize izo tariki ntarengwa, icyiciro cya mbere kikaba kizasozwa mu kwezi kwa munani.”

Yakomeje agaruka ku bakozi bakora muri iki kigo batari Abanyarwanda, atangaza ko uko bimeze ubu bashaka ko abafite uburambe muri aka kazi aribo baza kugakora bikaba ariyo mpamvu hifujwe ko bazana abo hanze kugira ngo uyu mushinga ushobore kwihuta cyane ariko mu gihe cya vuba bazashobora gukoresha Abanyarwanda benshi kubera ko bazaba bageze mu kazi bita Electro-Mecanical aho ubu bunararibonye n’Abanyarwanda bakaba bashobora kuba babufite.

Habumuremyi yasabye abakuriye uyu mushinga ndetse n’inzego zose, kubahiriza igihe bamugaragarije imirimo igomba gutwara. Muri uyu mushinga, hashobora kubyazwamo ibintu binyuranye birebana n’ingufu, ariko ubu igishyizwemo ingufu ni amashanyarazi.

Inkuru dukesha: ORINFOR

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved