Uruganda rwa Nikon rwasohoye ubwoko bushya bwa Camera yitwa Nikon 1 J2

Ubwoko bwa Camera yitwa Nikon 1 J2 buje bwunganira ubwari busanzweho bwa Nikon 1 J1. Ubu bwoko ngo bukoranye ubuhanga kandi bufite akarusho mu gufata amashusho n’amafoto meza.

Amakuru dukesha urubuga rwa pcworld.com avuga ko ubu bwoko bushya bwa Camera Nikon J2 bwihutisha gufata amashusho no gufotora neza icyo umuntu ashaka gufotora hakabaho kukireba neza bitananije amaso.

Aya makuru avuga ko bufite megapixel CMOS 10 n’ umuvuduko wihuta mu gihe ufata amafoto bityo umuntu akabasha gufata amatoto menshi kandi ashaka mu gihe runaka yifuza gufatiramo ifoto.

Izi kamera ngo zifite uburyo bwo gushyira mu buryo busanzwe (Manuel) ndetse n’ubwa Automatic, umurabyo(flash) bongera kandi bigafata amashusho (video) y’agahebuzo yo mu bwoko bwa HD(1080p video capture at 30 fps)

Nikon 1 J2 ngo zongewemo uburyo bw’ ikoranabuhanga bunafasha mu gufata amafoto meza afite umucyo, amabara agaragara neza haba mu ijoro ndetse no kumanywa ugereranyije n’ ubwari busanzwe bukoreshwa.

Pcworld itangaza ko izi camera zishobora kuzagurishwa amadorari asaga $550 mu kwezi kwa Nzeri.