Bwa mbere mu Rwanda internet ya ‘fibre optique’ yatangiye kugezwa mu ngo

Yanditswe na Mukaneza M.Ange
Kuya 13 Werurwe 2018 saa 09:59
Yasuwe :
0 0

Mu myaka isaga itanu ishize nta rugo na rumwe mu gihugu rwari rufite umurongo wa internet wa ‘Fibre optique’ kuko byasabaga arenga miliyoni eshatu z’amafaranga y’u Rwanda kugira ngo bikorwe.

Kuri ubu bitewe nuko Liquid telecom yubatse imiyoboro hirya no hino mu gihugu, bisaba gusa ibihumbi 50 n’imisoro irimo kugira ngo internet ya fibre optique igezwe mu rugo rw’umuntu.

Liquid Telecom ni ikigo cyigenga gitwara ubutumwa buri mu buryo bw’inyandiko, amajwi ndetse no kugeza umuyoboro wa internet wagutse mu gice cya Afurika y’Amajyepfo, iyo hagati ndetse n’iy’Uburasirazuba.

Iki kigo gikwirakwiza umuyoboro mugari wa internet hakoreshejwe udusinga duto dukozwe mu kirahure cyangwa pulasitiki tuzwi nka fibre optique, gikora itumanaho ryo mu kirere (satellite) n’ihererekanyabutumwa hirya no hino ku Isi no muri Afurika binyuze kuri email, telefone, hagati y’abantu ku giti cyabo n’ibigo by’ubucuruzi biri mu byiciro bitandukanye.

Liquid Telecom imaze kubaka umuyoboro mugari unyuzwamo internet usaga ibilometero ibihumbi 50 ku nkengero z’ibihugu, ugira uruhare mu kwihutisha ubukungu bw’ibihugu bya Afurika, ahantu mbere byari bigoye kubona iri tumanaho.

Iki kigo kimaze imyaka itanu ku mwanya wa mbere mu bitwara amakuru muri Afurika gifite amashami muri Botswana, Repubulika Iharanira Demokarasi ya Congo, Kenya, Lesotho, Ibirwa bya Maurice, u Rwanda, Afurika y’Epfo, Tanzania, Leta Zunze Ubumwe z’Abarabu, Uganda, u Bwongereza, Zambia na Zimbabwe.

Ibikorwa bya Liquid telecom mu Rwanda

Liquid Telecom ni kimwe mu bigo binini bitanga serivisi z’itumanaho no gukwirakwiza serivisi za internet zishingiye ku muyoboro mugari wa internet mu Rwanda, yatangiye kuhakorera mu 2013.

Binyuze muri serivisi yayo yitwa Hai, Liquid Telecom yatangiye kugeza ku bantu ku giti cyabo muri Kigali internet ya fibre optique, ibintu bitari bimenyerewe mu Rwanda.

Icyo gikorwa Liquid Telecom Rwanda igiterwamo inkunga n’Ikigo kinini ishamikiyeho aricyo Liquid Telecom Group kugira ngo u Rwanda rube igihugu kigendana n’ikoranabuhanga mu gufasha abarutuye kugerwaho n’umuyoboro mugari wa internet.

Kugeza umuyoboro wa internet kandi wihuta mu ngo z’abantu ku giti cyabo bitanga icyerecyezo cyiza ku Rwanda, kuko iba yihuta bituma babasha gukora inama z’iya kure (video conference), kugabanya amafaranga bakoreshaga bahamagarana kuri telefone kuko bashobora kwifashisha internet.

Abakunzi b’imyidagaduro nabo barasubijwe, kuko uyu muyoboro wa internet bagezwaho na Liquid Telecom Rwanda utuma boroherwa no gukura filime kuri internet, indirimbo zitandukanye ndetse bakabasha kwidagadura mu mikino ihabarizwa (Online games).

Iyi serivisi yitwa FTTH (Fibre –To-The Home) ni ikoranabuhanga rirambye kandi ryizewe rizafasha Abanyarwanda kugeza ku rwego rwisumbuye ibikorwa bitandukanye bakora na serivisi batanga.

Umuyobozi Mukuru wa Liquid Telecom Rwanda, Kabeja Alexis, yatangaje ko imirimo yo kugeza umuyoboro mugari wa internet mu ngo z’abantu igenda neza kuko twinshi mu duce twa Kigali wagejejwemo.

Ati “Liquid Telecom imaze kugeza umuyoboro mugari wa internet mu bice byinshi by’Umujyi wa Kigali, kugira ngo bikomeze gufasha abaturage kuyibagereza mu ngo zabo ariko hari ntego ko no mu bice by’icyaro tuzayigezayo.”

Yakomeje avuga ko uduce nka Gisozi, Kagugu, Gacuriro, Vision City, Nyarutarama, Gishushu, Rugando, Kimihurura, Kacyiru, Kiyovu, Rebero, Gikondo na Kibagabaga hamaze kugezwa uwo muyoboro ndetse n’ahandi hakaba hagikomeje kubakwa mu buryo bwihuse.

Kuva mu 2016 ubwo Liquid Telecom Rwanda yatangiraga kugeza internet ya fibre optique mu ngo z’abantu ku giti cyabo, ubu ikoreshwa mu zisaga 10,000; intego ihari ni uko byibura ingo 20,000 zizaba zagejejwemo uyu muyoboro bitarenze 2018.

Servisi za Liquid Telecom mu Rwanda

Liquid telecom itanga internet ya fibre optique ku bigo binini n’ibito, iby’igenga, imiryango mpuzamahanga, amashuri, amavuriro, amabanki, ambasade n’ahandi. Iki kigo gitanga kandi serivisi za Hai fibroniks aribwo buryo bwo kugeza umuyoboro wa fibre optique mu ngo z’abantu. Ibi bijyana no gutanga telefone zitagendanwa uhamagaza ku buntu ku bandi nabo bazifite (hai to hai fibroniks).

Uko wagezwaho umuyoboro wa ‘Fibre optique’ iwawe

Iyo ushaka kureba ko agace utuyemo kagezemo umuyoboro wa ’Fibre optique’ unyura ku rubuga www.hai-alive.rw, ushobora no kubandikira kuri [email protected] cyangwa ugahamagara kuri 252444333.

Iyo usanze umurongo wa ‘fibre optique’ uhari, ugana aho Liquid Telecom Rwanda ikorera mu Kiyovu haruguru gato ya Banki Nkuru y’Igihugu, mugasinyana amasezerano yo kugeza uwo muyoboro mu nzu yawe cyangwa ukabandikira kuri [email protected]

Umuyoboro wa internet wa fibre optique bawuguhana n’ibikoresho byatuma uwukoresha nk’inziramugozi (Wi-fi) ndetse bakaguha na telefone itagendanwa ya Hai. Bisaba ibihumbi 50 n’imisoro irimo kugira ngo internet ya fibre optique igezwe mu rugo rw’umuntu.

Bitewe n’ipaki ya internet waguze (package), ku kwezi ushobora kwishyura 69,999Frw cyangwa 113,999Frw. Ibyo biciro byose haba harimo n’umusoro ku nyongeragaciro (TVA).

Liquid Telecom imaze imyaka itanu ikorera mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza