Facebook yatangije uburyo bwemerera itsinda ry’abantu batandatu kuganira barebana

Yanditswe na Mukaneza M.Ange
Kuya 21 Ukuboza 2016 saa 01:55
Yasuwe :
0 0

Nyuma yo kubisabwa n’abakoresha porogaramu yayo yo kohererezanya ubutumwa bugufi (Messenger), urubuga nkoranyambaga rwa Facebook rwashyizeho uburyo bwemerera itsinda ry’abantu bagera kuri batandatu guhamagarana bakaganira barebana (Group Video Calls).

Umuyobozi ushinzwe ibijyanye na Facebook Messenger, Stephane Taine yavuze ko ubu buryo bwo guhamagarana bwari bwarasabwe n’abantu benshi cyane, bakaba babitangije mu rwego rwo kubereka ko babazirikana.

Yakomeje avuga ko buzakoreshwa n’abasanzwe bakoresha porogaramu za Android na iOS ku Isi hose.

Dailymail itangaza ko uretse kuba abantu batandatu bashobora kuvugana barebana, ubu buryo bushya bunemerera abagera kuri 50 kuba bavugana ariko batarebana (Voice Calling).

Amakuru ku bijyanye n’imikorere y’ubu buryo bushya ari ku rubuga rwa Facebook avuga ko umuntu wese ashobora gutangira ikiganiro mu buryo bw’amashusho cyangwa amajwi, ubundi agahitamo abo yifuza kuganira nabo bari mu itsinda rimwe.

Kugira ngo ukoreshe Video na Voice calling ariko bisaba ko porogaramu ya Messenger uri gukoresha iba irimo amakuru mashya (Updates), kugira ngo ubashe kubona akamenyetso kakwemerera guhamagara.

Ubuyobozi bwa Facebook buvuga ko buteganya no gushyira hanze imikino ishobora gukinwa hagati y’abantu bahurira kuri uru rubuga nkoranyambaga.

Ubu buryo bushya bwemerera abantu batandatu kuganira barebana
Buzatangira gukoreshwa n’abasanzwe bafite porogaramu za Android na iOS

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza