Kwamamaza

Mozilla yashyizeho $250 000 ku bazakora imishinga yafasha mu gukwiza internet ku Isi

Yanditswe kuya 17-10-2016 saa 14:51' na Rabbi Malo Umucunguzi


Ikigo cyo muri Leta Zunze Ubumwe za Amerika, Mozilla, gifasha abantu gukoresha internet cyashyizeho igihembo kingana na $250 000, ni ukuvuga miliyoni 200 Frw, azahembwa umuntu uzakora umushinga werekana uburyo Isi ishobora kurushaho gukwizwa internet.

Mozilla ivuga ko ikeneye ko abantu bahanga uburyo bwahatana n’ubusanzwe mu korohereza abantu gukoresha internet, bagatanga imishinga y’uburyo bwakwifashishwa.

Muri iyi gahunda yiswe ‘Equal Rating Innovation Challenge’ yatangijwe kuri uyu wa Mbere tariki 17 Ukwakira muri i California muri Leta Zunze Ubumwe za Amerika, Mozilla yasabye ba rwiyemezamirimo, abategura imishinga, abashakashatsi n’inzobere mu guhanga udushya, kurema ibitekerezo byafasha mu kugeza internet ku bantu benshi.

Iyi gahunda izashyigikira imishinga binyuze mu bujyanama n’inkunga ya $250 000, bikazakorwa mu byiciro bitatu, harimo igitekerezo cyahize ibindi harebwe uburyo cyafasha abantu benshi, ikikigwa mu ntege ndetse hagatoranywa n’ikindi kigaragaza ubuhanga.

Umuyobozi ukuriye ibikorwa byo guhanga udushya muri Mozilla, Katharina Borchert, yagize ati “Muri Mozilla, twizera ko internet igira imbaraga nyinshi iyo buri wese hatitawe ku gitsina cye, amafaranga yinjiza cyangwa aho aherereye, abasha kuyikoresha nk’undi. Gusa ikinyuranyo mu bayikoresha gikomeza kwigaragaza.’’

Yakomeje agira ati “Iri rushanwa rigamije kongera udushya tuzafasha mu guhuriza ku murongo mugari abaturage bafite ubukungu buciriritse. ‘Equal Rating Innovation Challenge’ igamije guhitamo imishinga yageza internet ku bo itarageraho.’’

Ni imishinga ishobora kuba mu igera ku bakoresha internet by’ako kanya, serivisi za telefoni, uburyo bushya bwo gukora ubucuruzi cyangwa ijyanye n’ibikorwa remezo byakwifashishwa.

Mozilla yanatangije urubuga rutanga amakuru yose kuri iyi gahunda (www.EqualRating.com), ndetse mu minsi iri imbere hazatangizwa uburyo buzajya bufasha abatanze imishinga yabo kumenya aho igeze n’andi makuru.

Katharina Borchert ati “Kugeza internet ku batayifite uyu munsi ni ko kazi dufite uyu munsi. Nta muntu cyangwa umuryango ushobora kubigeraho wonyine. Tugomba gushyira hamwe tukubaka ibikorwa bigeza internet ku bari gutera imbere n’abazaza nyuma yabo.’’

Gutangira gutanga imishinga bizafungurwa kuwa 01 Ugushyingo 2016 bigeze kuwa 06 Mutarama 2017, bakazajya banyura kuri http://APO.af/yPgEVx , imishinga izatangwa ikazasesengurwa n’itsinda ry’inzobere.

Itsinda rya mbere ry’abazatoranywa bazatangazwa hagati muri Mutarama 2017, bakazahabwa ubujyanama butandukanye mbere y’uko bazamurika imishinga yabo muri Werurwe 2017, abatsinze bakazatangazwa mu mpera z’uko kwezi.

Umuyobozi ukuriye ibikorwa byo guhanga udushya muri Mozilla, Katharina Borchert

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved