Uko wakwireba ukaniyimura kuri lisiti y’itora ukoresheje internet

Yanditswe na IGIHE
Kuya 26 Gashyantare 2017 saa 04:20
Yasuwe :
5 0

Muri Kanama uyu mwaka, abanyarwanda baba mu gihugu, abatuye n’abakorera mu bihugu by’amahanga bakwije imyaka yo gutora kandi bujuje ibisabwa, bazitabira amatora yo gutora umukuru w’igihugu uzayobora u Rwanda muri manda y’imyaka irindwi iri imbere.

Ni ku bw’iyo mpamvu abantu bashobora kureba ko bari kuri listi y’itora bakoresheje internet kugira ngo batazahura n’ikibazo ku munsi w’amatora nyir’izina.

Iyo ukoresheje internet, winjira ku rubuga rwa internet rwa Komisiyo y’Igihugu y’Amatora ari rwo www.nec.gov.rw , ugakanda ahanditse ‘check voter list’ (kwireba kuri list y’itora) ubundi ukuzuza mu tuzu twagenewe kwandikwamo nimero y’indangamuntu n’itariki y’amavuko, ugakanda ahanditse ’search’ ubundi ugahita ubona umwirondoro wawe wuzuye ujyana n’aho uzatorera.

Hari igihe usanga umudugudu umuntu abaruyemo ko ari ho azatorera yarahimutse ku buryo bisaba ko azatorera aho abarizwa, icyo gihe bisaba uwo muntu kwiyimura kuri lisiti y’itora kugira ngo yibaruze aho ateganya gutorera.

Abo nabo bajya ku rubuga rwayo www.nec.gov.rw , bagakanda ahanditse ‘change voting site’ (guhindura aho uzatorera), ubundi ukabona utuzu twabugenewe wuzuzamo nimero yawe y’indangamuntu, itariki y’amavuko, akarere, umurenge, akagari n’umudugudu by’aho uteganya gutorera, ubundi ugakanda ahanditse ’transfer’, ako kanya ukabona ubutumwa bw’iyi komisiyo bugira buti ‘Murakoze kwiyimura mu mudugudu muzatoreramo’.

Ibyo byose ubikora wiyicariye iwawe cyangwa se bitagusabye kujya ku biro by’ubuyobozi ngo urebe ko uri kuri lisiti y’itora cyangwa ngo bakwimure aho uzatorera.

Komisiyo y’amatora ivuga ko iki gikorwa gikomeje kugeza igihe lisiti ntakuka izatangazwa ku itariki ya 15 Nyakanga 2017.

Ibyo ukurikiza iyo uri kwireba kuri lisiti y'itora
Utuzu ugenda wuzuza iyo ushaka kwiyimura kuri lisiti y'itora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza