Unesco yacyeje iterambere rya Internet mu Rwanda isaba ibindi bihugu kurwigana

Yanditswe na Cyprien Niyomwungeri
Kuya 21 Mutarama 2017 saa 10:07
Yasuwe :
0 0

Umuyobozi w’Ishami ry’Umuryango w’Abibumbye ryita ku Burezi, Ubumenyi n’Umuco (Unesco), Irina Bokova, yagaragaje u Rwanda nk’intangarugero mu guteza imbere ikoranabuhanga rya internet ku Isi, asaba ibindi bihugu bigicumbagira kurwigana.

Yabitangarije mu nama mpuzamahanga yiga ku bukungu yabereye i Davos mu Busuwisi kuwa 17-20 Mutarama 2017, mu kiganiro nyunguranabitekerezo ku kamaro k’umuyoboro mugari mu iterambere rirambye, cyari cyateguwe n’Umuryango mpuzamahanga w’Itumanaho (ITU).

Bokova yasabye ibihugu bikigaragaza intege nkeya mu gukwirakwiza Internet gufatira urugero ku miyoborere y’u Rwanda, bigatuma abagera kuri miliyari 3.9 bataragerwaho na Internet bahindura ubuzima.

Muri icyo kiganiro cyari kitabiriwe na Perezida Kagame, yasobanuye ko ibyo u Rwanda rwagezeho mu iterambere ry’ikoranabuhanga rubikesha ubufatanye n’abikorera nk’imwe mu nkingi mwikorezi y’iterambere ry’u Rwanda.

Yatanze urugero ku kigo cy’Abanya-Korea y’Epfo, Korea Telecom Rwanda Networks’ kirimo gukwirakwiza umuyoboro mugari wa internet mu Rwanda kandi ku giciro gihendutse.

Ati “Ubufatanye bwa leta n’abiki ingorera nirakamaro mu iterambere ry’ikoranabuhanga, kuko bigeza internet aho itari bigatanga amahirwe atandukanye. Gushyira abantu benshi ku muyoboro wa internet bituma batanga umusanzu mu byinjira mu gihugu. Nk’abafatanyabikorwa, dufite amahirwe yo kwita ku cyo bizatumarira kuruta kwita ku nzitizi zitubuza kubigereho.”

Perezida Kagame yashimangiye ko ubufatanye n’abikorera bwatumye kuva mu 2003 kugeza mu 2016 gukwirakwiza umuyoboro wa internet bagera kuri 30%.

Umuyobozi w’ishami ry’umuryango w’abibumbye ryita ku burezi, ubumenyi n’umuco (Unesco), Irina Bokova

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza