Kenya: Ibikorerwa kuri Facebook na Twitter bigiye kugenzurwa

Kenya: Ibikorerwa kuri Facebook na Twitter bigiye kugenzurwa


Yanditswe kuya 3-02-2013 - Saa 12:10' na James Habimana

Nyuma y’aho mu matora yo mu mwaka wa 2008 muri Kenya akurikiwe n’ubwicanyi, imbuga nkonyambaga zarabutiza umurindi, ubu hafashwe icyemezo cy’uko amagambo acishwa kuri izo mbuga nkoranyambaga abiba urwango, azajya ashyikirizwa inzego zishinzwe umutekano.

Ubutegetsi bwa Kenya buravuga ko mu matora ateganyijwe tariki ya 4 Werurwe 2013, uburyo bwo kugenzura amagambo abiba urwango, azayja agenzurwa kuko ngo hakuriijwe ibyabaye mu 2008, hagararagaye ko imbuga nka Facebook na Tweeter zakoreshejwe mu kongera ubwicanyi hagati y’abaturage, bugahitana abarenga 1400.

Angela Crandall, ushinzwe umushinga Umati uzakora iri genzura muri Kenya, yatangarije ikinyamakuru The Daily Nation ko hari abantu batandukanye bazaba bashinzwe kureba amagambo mabi yanditswe mu ndimi zitandukanye zirimo Dholuo, Kalenjin, Kikuyu, Luhya, Swahili na Sheng, Icyongereza n’izindi , aho babonye ikibazo bakihutira ku bimenyesha inzego zishinzwe umutekano.

JPEG - 17.7 kb
Angela Crandall, ushinzwe umushinga Umati uzakora igenzura muri Kenya

Iri genzura kandi ngo ntirizajya rireka n’abayobozi batandukanye muri iki gihe cyo kwiyamamaza, mu gihe bazaba bari hirya no hino mu gihugu, kuko ngo byagaragaye ko nabo hari amagambo bavuga akwirakwiza urwango mu baturage.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO