Kuki abagore babeshya cyane kuri Facebook?

Yanditswe na Rene Anthere Rwanyange
Kuya 16 Werurwe 2013 saa 11:52
Yasuwe :
0 0

Imbuga z’itumanaho zikoresha mu buzima bwa buri munsi nka Facebook, zifasha abantu ibyishimo, ibitekerezo ndetse n’amafoto. 83% y’igihe bamara kuri Facebook n’indi mirongo y’itumanaho, abantu bakunze kubeshya ku buzima bwabo ariko cyane cyane abagore. Ubushakashatsi bwakozwe bugaragaza ko1/3 cy’abagore bakunze kubeshya cyane ku rubuga rwa Facebook. Nk’uko tubikesha Gent Side, ubushakashashatsi bwakozwe ku bagore 2000 bo mu gihugu cy’u Bwongereza, bugaragaza ko 1/3 cyabo babeshya nibura rimwe mu (...)

Imbuga z’itumanaho zikoresha mu buzima bwa buri munsi nka Facebook, zifasha abantu ibyishimo, ibitekerezo ndetse n’amafoto. 83% y’igihe bamara kuri Facebook n’indi mirongo y’itumanaho, abantu bakunze kubeshya ku buzima bwabo ariko cyane cyane abagore. Ubushakashatsi bwakozwe bugaragaza ko1/3 cy’abagore bakunze kubeshya cyane ku rubuga rwa Facebook.

Nk’uko tubikesha Gent Side, ubushakashashatsi bwakozwe ku bagore 2000 bo mu gihugu cy’u Bwongereza, bugaragaza ko 1/3 cyabo babeshya nibura rimwe mu kwezi ku mirongo itandukanye y’itumanaho bakoresha.

Bimwe mu byo bakunze kubeshyaho harimo akazi bakora n’uburyo biteje imbere, uburyo banywa inzoga nyinshyi kandi cyane, ukuntu bagize ibihe byiza mu biruhuko ndetse ko bafite urugo rwiza cyane. Benshi muri bo bakunze kubeshya ko bari ahantu kandi mu by’ukuri bari mu rugo bonyine.

Zimwe mu mpamvu zituma bakunda kubeshya kuri Facebook, ngo harimo ko batinya kugaragara nk’abataratera imbere bagendana n’ibigezweho, bafuhira ibyo bagenzi babo bandika, batinya kutagira icyo na bo bandika kandi baba bifuza kwigaragaza mu bandi.

Dr Michael Sinclair atangaza ko kumara igihe kinini kuri Facebook cyangwa indi mirongo y’itumanaho, bituma umuntu abaho wenyine, ntagire umwanya wo kugira izindi nshuti uretse izo kuri Facebook n’ahandi, kandi ntabashe kuvugisha ukuri ku buzima bwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza