Rulindo: Kutagira umuyoboro wa internet imbogamizi mu mashuri

Yanditswe na Rene Anthere Rwanyange
Kuya 18 Mutarama 2013 saa 04:11
Yasuwe :
0 0

Akarere ka Rulindo gatangaza ko uburezi buhagaze neza, kuri ubu utugari 71 dufite amashuri usibye dutatu. Ibyumba by’uburezi bw’ibanze bw’imyaka 12 birakorerwa isuku, igisigaye akaba inzu z’amacumbi y’abarimu zicyubakwa hamwe no kugeza internet ku bigo byose.
Umuyobozi w’Akarere ka Rulindo, Justus Kangwagye yabwiye IGIHE ko ibibazo by’uburezi byagaragaye mu myaka ibiri ishize byari mo inda z’indaro ku bana bigaga mu burezi bw’ibanze bw’imyaka icyenda, aho byari icyorezo mu gihugu, ariko (...)

Akarere ka Rulindo gatangaza ko uburezi buhagaze neza, kuri ubu utugari 71 dufite amashuri usibye dutatu. Ibyumba by’uburezi bw’ibanze bw’imyaka 12 birakorerwa isuku, igisigaye akaba inzu z’amacumbi y’abarimu zicyubakwa hamwe no kugeza internet ku bigo byose.

Umuyobozi w’Akarere ka Rulindo, Justus Kangwagye yabwiye IGIHE ko ibibazo by’uburezi byagaragaye mu myaka ibiri ishize byari mo inda z’indaro ku bana bigaga mu burezi bw’ibanze bw’imyaka icyenda, aho byari icyorezo mu gihugu, ariko ubu bitakiri ho.

Ati «Byababereye isomo bituma na barumuna babo bitwara neza ,birinda abanzi b’iterambere babashuka babangiriza ubuzima.» Ku kibazo cy’ibyumba by’amashuri byubakwa, yavuze ko nta bibazo by’ubwiherero bihari kuko ari bwo bwitabwaho mbere y’ibindi.

Ku ruhande rw’abana biga mu mashuri abanza, Hashakimana Eric na Muhawemana Olivier abana biga mu mwaka wa gatanu ku kigo cya Mbare, bavuga ko biga neza, icyo bifuza ni uko ikoranabuhanga ribageraho kurushaho, kuko basobanukiwe nakamaro karyo mu iterambere kandi barikunda. Ababa bana bavuga ko bashaka kumenya no gukoresha internet kuko bizabafasha kubona ubundi bumenyi.

Badutangarije ko bazi gukoresha mudasobwa bandika, bakaniga icyongereza, bityo ko bifuza ko ku kigo bigaho cya Mbare bagezwaho umuyoboro wa internet, bikabafasha kumenya ibintu byinshi bakiyungura n’ubumenyi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza