Kigali : Abasenateri bandikishije SIM card

Yanditswe na Olivier Muhirwa
Kuya 20 Gashyantare 2013 saa 05:54
Yasuwe :
0 0

Abasenateri bandikishije SIM card zabo mu rwego rwo gushishikariza Abanyarwanda bose iki gikorwa amasosiyete y’itumanaho amaze iminsi akora.
Iki gikorwa cyabaye ku wa kabiri tariki ya 19 Gashyanate 2013 mu Ngoro y’Inteko Ishinga Amategeko y’u Rwanda.
Amaze kwandikisha SIM cards ze mu biro nk’uko yabitangarije itangazamakuru ubwo yavuganaga naryo , Perezida wa Sena Dr Jean Damascene Ntawukuriryayo yavuze ko bo nk’abayobozi bakoze iki gikorwa mu rwego rwo kugishishikariza Abanyarwanda bose, (...)

Abasenateri bandikishije SIM card zabo mu rwego rwo gushishikariza Abanyarwanda bose iki gikorwa amasosiyete y’itumanaho amaze iminsi akora.

Iki gikorwa cyabaye ku wa kabiri tariki ya 19 Gashyanate 2013 mu Ngoro y’Inteko Ishinga Amategeko y’u Rwanda.

Amaze kwandikisha SIM cards ze mu biro nk’uko yabitangarije itangazamakuru ubwo yavuganaga naryo , Perezida wa Sena Dr Jean Damascene Ntawukuriryayo yavuze ko bo nk’abayobozi bakoze iki gikorwa mu rwego rwo kugishishikariza Abanyarwanda bose, kandi ngo bagikoze nk’Abanyarwanda kuko buri wese kimureba.

Perezida wa Sena yatsindagiye iki gikorwa ko kigomba gukorwa, kuko kigashyirwamo imbaraga kuko kireba ubuzima bwiza bwa buri munsi bw’umwenegihugu, ndetse n’ubw’igihugu. Ntawukuriryayo kandi yavuze ko asanga mu Rwanda iki gikorwa cyari cyaratinze kuhagera kuko mu bihugu byinshi ku Isi bisanzwe bikorwa.

Umuyobozi Mukuru wa sosiyete MTN Rwandacell, Khalied Mikkawi yemeje ko iki gikorwa ari ingenzi kuko bizatuma n’abandi Banyarwanda bahera ku rugero rutanzwe n’aba bayobozi bakabyitabira.

Kwandikisha SIM Card zose ziri ku butaka bw’u Rwanda ni igikorwa kizamara amezi 6, cyatangiye ku mugaragaro tariki ya 4 Gashyantare 2013 kikazarangira ku wa 31 Nyakanga uyu mwaka, abazarenza iyi tariki SIM card zabo zizavanwa ku murongo nk’uko byatangajwe n’Ikigo cy’Igihugu ngenzuramikorere mu Rwanda( RURA) .


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza