Galaxy J5 zifitwe na benshi mu Rwanda, nazo zatangiye kuvugwaho guturika

Yanditswe na Philbert Girinema
Kuya 8 Ugushyingo 2016 saa 09:58
Yasuwe : XX
0

Nyuma ya Samsung Galaxy Note 7 zavuzweho guturika ndetse uruganda ruzikora rugafata umwanzuro wo kuzikura ku isoko, ubu noneho biravugwa ko Galaxy J5 zitunzwe n’abatari bake mu Rwanda nazo zatangiye gushya.

Aya makuru y’ituruka rya Galaxy J5 yatangajwe n’umugore witwa Lamya Bouyirdane utuye mu Mujyi wa Pau mu Bufaransa.

Mu kiganiro yagiranye n’Ibiro Ntaramakuru by’Abongereza (AP), Bouyirdane yavuze ko ku cyumweru aribwo yabwiye umwana we w’imyaka ine ngo amuhereze telefoni, yayifata akumva irashyushye cyane, nyuma yo kubona ko itangiye gucumba umwotsi ayijugunya kure ye.

Nyuma gato iyi Galaxy J5 yahise itangira gushya maze umugabo we amufasha kuyizimya; ibi byatumye afata umwanzuro wo kujyana uruganda rwa Samsung mu nkiko.

Muri Nzeri 2016 nibwo uruganda rwa Samsung, rwasabye ko Sumsung Galaxy Note 7 zigera kuri miliyoni 2.5 zari zaramaze kugurishwa zasubizwa ku ruganda nyuma y’uko rwakiriye ibirego by’abantu bagaragaza ko zikomeje gushya biturutse kuri batiri zazo.

Ku itariki 13 Ukwakira 2016, Ikigo cy’Igihugu gishinzwe imirimo imwe n’imwe ifitiye igihugu akamaro (RURA), cyashyize hanze itangazo rihagarikwa iyinjizwa n’icuruzwa rya Telefoni zo mu bwoko bwa Galaxy Note 7 mu Rwanda.

Kugeza ubu, ntiharatahurwa ikibazo izi telefoni zaba zifite.

Galaxy J5 nazo zatangiye guturika

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza