Ibice bya Galaxy Note 7 yavuzweho gushya batiri byakoreshejwe indi telefoni

Yanditswe na Mukaneza M.Ange
Kuya 3 Nyakanga 2017 saa 11:36
Yasuwe :
0 0

Uruganda rwa Samsung rugiye gushyira hanze telefoni nshya yakozwe hifashishijwe bimwe mu bice bya Galaxy Note 7, yakuwe ku isoko nyuma yo kuvugwaho gushya bitewe n’ikibazo cya batiri.

Umwaka ushize nibwo Galaxy Note 7 zigera kuri miliyoni 2.5 zakuwe ku isoko, nyuma y’uko abantu batandukanye hirya no hino ku isi bagaragaje ko zikomeje gushya, na Samsung ikemeza ko batiri zazo zifite ikibazo.

Nk’uko BBC yabyanditse, iyi telefoni nshya izwi nka Note Fan Edition izashyirwa hanze ku itariki ya 7 Nyakanga 2017, ariko ikazagarukira ku isoko ryo muri Koreya y’Epfo ari naho uruganda rwa Samsung rukorera.

Yakozwe nyuma y’uko imiryango ishinzwe kubungabunga ibidukikije isabye Samsung kubyaza umusaruro Galaxy Note 7, mu rwego rwo kugabanya ingano y’imyanda ituruka ku bikoresho by’ikoranabuhanga.

Biteganyijwe ko telefoni zigera ku bihumbi 400 zizaba zageze ku isoko guhera kuwa Gatanu, imwe ikazaba igura amadolari 615.

Mu mpera z’uyu mwaka kandi Samsung irateganya gushyira hanze Galaxy Note 8.

[email protected]


Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza