Kwamamaza

MTN yatangije uburyo bushya bwo kwishyura ibicuruzwa yise Tap & Pay

Yanditswe kuya 9-11-2016 saa 17:03' na Thamimu Hakizimana


MTN Rwanda yatangije uburyo bushya bwo kwishyura ibicuruzwa byo mu maguriro ya kijyambere(Supermarkets) bwitwa Tap & Pay hakoreshejwe telefone ngendanwa yanditse muri serivisi ya Mobile Money.

Ubu buryo bushya bwa Tap & Pay, mu kinyarwanda bita ‘kozaho wishyure’ buzajya bukoreshwa n’abantu bakoresha serivisi ya mobile money gusa.

Umuntu ukoresha Tap & Pay ashyirirwa akarango kitwa ‘Tag’ kuri telefone ye gakorana na konti ya Mobile Money ye ndetse n’imashini iba iri mu iduka agiye guhahiramo.

Iyo ako karango umuntu agakojeje kuri iyo mashini gahita gakura amafaranga angana n’igiciro cy’ikintu aguze kuri konti ye ya Mobile Money.

Ubwo ubu buryo bwatangizwaga ku mugaragaro kuri uyu wa 9 Ugushyingo 2016, Guverineri wa Banki y’Igihugu,BNR, John Rwangombwa yavuze ko iyi serivisi izihutisha iterambere ry’ubukungu bw’igihugu.

Yagize ati “ Ibi byihutisha kwishyurana mu bikorwa by’ubukucuruzi bitandukanye kandi uko byihuta niko n’iterambere ryihuta bitewe n’uko iterambere ry’ubukungu riterwa n’ukuntu ibikorwa by’ubucuruzi bigenda byihuta.”

Munyampundu Norman ushinzwe serivisi z’abakiriya muri MTN Rwanda, yavuze ko Tap & Pay izafasha abafatabuguzi ba MTN kutitwaza amafaranga mu gihe bagiye guhaha.

Yagize ati “ Ni uburyo buzafasha abakiriya bacu kuko butuma umuntu atagendana amafaranga agakoresha ayo afite kuri mobile money, ikindi ni uko umuntu ashobora kugura ibintu bya miliyoni 2 akoresheje Mobile Money.”

Yakomeje agira ati “ Umuntu ashobora no gushyira Tag ebyiri kuri telefone ye ku buryo ari iwe ashobora no kuyiha umwana cyangwa umukozi we akajya guhaha cyane cyane ko we icyo akora ari ukwemeza iyo serivisi gusa kugira ngo uwo yatumye ahabwe ibyo ashaka.”

Uzajya akoresha Tap & Pay nta mafaranga azajya akatwa nk’uko bisanzwe bikorwa kubabika n’ababikuza kuri Mobile Money.

Utumashini 100 nitwo twatangiye gukoreshwa muri iyi serivisi ya Tap& Pay ndetse bikaba biteganyijwe ko muri Werurwe 2017 hahazazanwa utundi ibihumbi bitatu tuzagurwa amafaranga atari munsi ya miliyoni 600 kugira ngo dukoreshwe mu maduka atandukanye.

MTN Rwanda imaze kugira abakiriya bagera kuri miliyoni ebyiri bakoresha serivisi ya Mobile Money.

Guverineri wa Banki Nkuru y'u Rwanda, John Rwangombwa asobanurirwa uko serivisi ya Tap&Pay ikora
Umuyobozi Wungirije wa MTN yagerageje guhaha akoresheje iyi serivisi
Munyampundu Norman ushinzwe serivisi z’abakiriya muri MTN Rwanda, yavuze ko Tap & Pay izafasha abafatabuguzi ba MTN kutitwaza amafaranga mu gihe bagiye guhaha
Guverineri wa Banki y’Igihugu BNR, John Rwangombwa yavuze ko iyi serivisi izihutisha iterambere ry’ubukungu bw’igihugu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved