Telefone ya iPhone X yatangiye gucuruzwa

Yanditswe na Mfitumukiza Moïse
Kuya 3 Ugushyingo 2017 saa 12:58
Yasuwe :
0 0

Telefone nshya iheruka kumurikwa n’Ikompanyi y’Abanyamerika yamamaye mu gukora ibikoresho by’ikoranabuhanga ya Apple, iPhone X, yatangiye kugurishwa hirya no hino ku isi.

Apple yatangaje umushinga wo kumurika iPhone X ku ya 12 Nzeri 2017 ubwo yashyiraga ku isoko telefone nshya za iPhone 8 na iPhone 8 Plus.

Uruganda rwa Apple rufite icyicaro mu Mujyi wa Cupertino muri Leta ya California, rusohoye iPhone X ikoze mu buryo budasanzwe bwanahuriranye n’isabukuru y’imyaka 10 imaze ikora telefone zigezweho.

Umuyobozi mukuru wa Apple, Tim Cook, mu ijambo rye atangiza icuruzwa ry’iyi telefone, yavuze ko abantu bayitumije ku bwinshi ndetse biteze ko izakundwa na benshi.

Mu mezi atatu ashize, ikompanyi ya Apple yazamuye 3% by’ibicuruzwa yashyize ku isoko aho yagurishije iPhone miliyoni 46.7 ndetse yanatangaje ko mu mezi atatu ari imbere bazinjiza akayabo kabarirwa hagati ya miliyari 84 na 87 z’amadolari.

Iphone X ifite umwihariko wo kuba yashyirwamo umuriro idacometse mu buryo busanzwe (wireless charging), camera ifotora neza, kwihuta no kuba wayifungura ukoresheje isura ya nyirayo. Ikoresha uburyo bwa iOS 11.

Muri Amerika, iPhone X iri kugurishwa $999, akabakaba ibihumbi 800 mu mafaranga y’u Rwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza