Tigo yatangije uburyo bwo guhamagara imirongo yose mu Rwanda ku mafaranga amwe

Yanditswe na IGIHE
Kuya 18 Ukwakira 2017 saa 01:45
Yasuwe :
0 0

Sosiyete y’itumanaho Tigo Rwanda, yatangije uburyo bushya yise ‘Imirongo Yose’, bugamije gufasha abakiliya kugura amapaki yo guhamagara indi mirongo yose y’itumanaho ikorera mu Rwanda ku mafaranga amwe.

Ubu buryo bukubiye mu bukangurambaga Tigo yatangije buzwi nka ‘Tigo Yanjye’ bugamije kuzirikana akamaro ka buri mukiliya w’iyi sosiyete.

Amapaki ya ‘Imirongo Yose’ agamije korohereza umukiliya guhamagara inshuti n’abandimwe ku mirongo yose bakoresha ku mafaranga make.

Imirongo Yose, izajya iguha ipaki ihera ku mafaranga 100 ku munsi kugeza kuri 500 Frw ku ipaki imara icyumweru, ugahabwa iminota 35 yo guhamagara mu cyumweru. Umukiliya azajya ahabwa kandi ubutumwa bugufi 35 ndetse na MB 35 zo gukoresha kuri internet,byose bimara icyumweru.

Umuyobozi Mukuru wa Tigo, Philip Amoateng, atangiza ubu buryo yavuze ko bugamije gufasha abakiliya guhanahana amakuru n’inshuti ndetse n’imiryango bitabagoye.

Ati “Gutangiza amapaki yiswe Imirongo Yose, ni igisubizo ku cyifuzo cy’abakiliya bacu cyo guhabwa uburyo bwo guhanahana amakuru hagati y’inshuti n’imiryango mu buryo bwiza kandi bworoshye.

Bigendanye kandi n’uburyo Ikigo cy’igihugu gishinzwe imirimo imwe ifitiye igihugu akamaro (RURA) cyagabanyije igiciro cyo guhuza imirongo kikava kuri 20.7 Frw ku munota muri Kanama, kikagera kuri 15 Frw ku munota muri Nzeri.Twizera ko n’abakiliya bacu bakwiye kwishimira uko kugabanuka kw’igiciro nk’uko biri mu murongo wa RURA.”

Kugira ngo ubashe kugura ipaki ku ‘Imirongo Yose’ kanda *255# ukande ahanditse Imirongo Yose ubundi uhitemo ipaki wifuza.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza