Kwamamaza

Samsung igiye guha impozamarira abayihaye ibyo yakozemo Galaxy Note 7

Yanditswe kuya 18-10-2016 saa 12:00' na Cyprien Niyomwungeri


Uruganda rwa Samsung rwatangaje ko rugiye guha impozamarira abaruhaga ibyo rwakoragamo telefoni za Samsung Galaxy Note 7, bitewe n’ingaruka bagizweho n’icyemezo ruherutse gufata cyo gukura ku isoko izo telefoni kubera ibibazo byo guturika batiri.

Kuri uyu wa Kabiri tariki 18 Ukwakira 2016, nibwo uruganda Samsung rwo muri Korea y’Epfo rwasohoye itangazo ruvuga ko ruzishyura ikiguzi cyose cya bimwe mu bigize Galaxy Note 7 bitakoreshejwe kandi byamaze gukorwa mu nganda.

Rwongeyeho ko ruzatanga impozamarira kuri bimwe mu bigize Galaxy Note 7 byari bigikorwa mu nganda no ku bikoresho byaguzwe ngo bikorwemo ibyo bice bigize iyo telefoni.

Nkuko AFP yabyanditse, iri tangazo ntirigaragaza ingano y’impozamarira izishyura, icyakora rivuga ko zizishyurwa vuba kandi hakagenderwa ku ngano y’ibikoresho abagemuriraga uruganda baruhaye.

Rigira riti “Twihanganishije abaduhaga ibikoresho ku bwo guhagarika Galaxy Note 7, tuzabishyura impozamarira vuba vuba kugira ngo bave mu bibazo ziriya telefoni zabateje.”

Mu cyumweru gishize nibwo uruganda rwa Samsung rwatangaje ko rwiteguye guhomba miliyari zigera kuri eshatu z’amadolari ku nyungu rwari rwiteze mu mezi atandatu ari imbere.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved