WhatsApp yashyizeho uburyo bwo guhamagara, abantu barebana

Yanditswe na Kanamugire Emmanuel
Kuya 15 Ugushyingo 2016 saa 07:59
23 22

Mu gihe byari bimaze kumenyerwa ko abantu bakoresha urubuga nkoranyambaga rwa WhatsApp bashobora guhamagarana hagati yabo, ubu noneho bishobora no gukorwa bombi barebana.

Ubu buryo buzwi nka Video Calling buzajya buboneka ku bakoresha WhatApp batunze telefoni zikoresha porogaramu za Android na iOS mu gihe abakoresha Windows bo bazagerwaho nyuma.

Urubuga 91Mobiles ruvuga ko ubwo ubu buryo bwatangizwaga ku mugaragaro mu Buhinde, Ubuyobozi bwa WhatsApp, isanzwe ibarizwa mu Kigo Facebook bwatangaje ko n’abatuye mu duce tutabasha kubona Internet ihagije babwifashisha.

Ubu buryo kandi bukwemerera kuba wagira ikindi ukorera kuri telefoni yawe igihe uri kuvugana n’umuntu.

Kugira ngo ubashe guhamagara umuntu murebana bisaba ko mwese WhatApp zanyu ziiba ziri ku rwego rugezweho (Update), nyumo yo kubona nimero y’uwo wifuza guhamagara, ugakanda ahari akamenyetso ka telefoni, ubundi ugahitamo ahanditse Video Calling.

[email protected]


Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE