Uko umuntu yakwirinda impanuka ziterwa na telefone igendanwa

Yanditswe na Nyishimire Euphrasie
Kuya 20 Nyakanga 2017 saa 09:58
Yasuwe :
0 0

Telefone ni kimwe mu kimwe mu bikoresho by’itumanaho bikoreshwa cyane ku isi kandi iteza impanuka zikomeye ku bayikoresha ku buryo zanaba intandaro y’urupfu.

Mu minsi itambutse uruganda rwa Samsung rufite icyicaro muri Korea y’Amajyepfo rwakuye ku isoko telefone yo mu bwoko bwa “Samsung Galaxy Note 7” ndetse rusaba abaziguze kuzizimya ntibongere kuzikoresha ndetse bakazisubiza aho zahahiwe bakishyurwa amafaranga baziguze kugira ngo harebewe ikibazo zaba zifite.

Mu bibabzo izi telefoni zari zifite birimo guturika kwa batiri zazo bigenda bigira ubukana kugeza ubwo uruganda rwiyemeza guhagarika kuzicuruza.

Nk’uko tubikesha BBC kandi, imodoka yo mu bwoko bwa Jeep Grand Cherokee na yo yarahiye bitewe n’iyi Samsung Galaxy Note 7.

Abahagarariye uru ruganda mu kiganiro na BBC bavuga ku guhagarika ikorwa ry’izi telefone bavtangaje ko "Bwa mbere twagabanyije umubare w’izo twakoraga kugira ngo twite ku kibazo cyari kirimo ariko kuko icyo tugamije ni umutekano w’abakiriya bacu, twafashe umwanzuro wo guhagarika gukora izi telefone burundu nyuma yo kubona ibibazo ziteza."

Si izi Samsung Galaxy Note 7 gusa zigenda ziteza impanuka zikomeye ku isi, kuko ku wa 19 Gashyantare umugore umwe mu bari mu rugendo ruva i Beijing rujya i Melbourne muri Australia ubwo yari mu ndege yakanguwe n’urusaku rwa ‘écouteurs’ ubwo zari zituritse.

Yabwiye ikigo gishinzwe iby’ingendo muri Australia (ATSB) ko yari asinziriye ari kumva indirimbo mu gihe cy’amasaha agera ari abiri nyuma aza kumva zituritse bitewe na batiri ya telefone.

Yagize ati “Ubwo nari mpindukiye, numvise ubushye mu isura yanjye. Narahindukiye biza gutuma ‘écouteurs’ zigwa ku ijosi.”

Umwana w’imyaka 12 wo mu gihugu cy’u Bushinwa na we muri 2015 yatwitswe na telefone ye nyuma yo kuyikinisha umwanya.

Daily mail ivuga ko uyu muhungu witwa Hanghang yabyutse yitegura kujya ku ishuri ariko abanza gukinisha telefone ye umwanya, nyuma itangira gushyuha iraturika imukomeretsa intoki.

Yagize ati “Nayikinishije iminota mike itangira gushyuha hanyuma mbona ibiganza byanjye byuzuye amaraso.”

Usibye guturika kwa telefone ngendanwa no kuzikoresha mu gihe kitagenwe bishobora guteza impanuka mu buryo butandukanye.

Impanuka ikomeye ya Gali ya moshi yabereye mu muri California kuwa 12 Nzeri 2008 bitewe n’umushoferi wari uhugiye mu kohereza ubutumwa akoresheje telefone; icyo gihe abagenzi 25 bahaburiye ubuzima na ho 130 barakomereka bikabije.

alaxy Note 7 zavuzweho guturika batiri kugeza ubwo uruganda rwazikoraga rwazivanye ku isoko

Ikigo cyitwa “Take back my drive” cyo cyakoze porogaramu zifasha umuntu mu gihe utwaye ibinyabiziga kugira ngo hirindwe impanuka ziterwa na telefone.

Harimo AT&T’s Drive Mode, Wonder ndetse n’izindi. Izi porogaramu zifunga uburyo bwose bwo kwakira cyangwa kohereza ubutumwa ndetse no guhamagara cyangwa guhamagarwa.

Inama ku zafasha mu kwirinda impanuka ziterwa na telefone

Nk’uko tubikesha imbuga za internet zirimo mashable umuntu aramutse yubahirije inama zikurikira byamufasha kwirinda impanuka zikururwa na telefone zigegendanwa:

- Birabujijwe kuvugira kuri telefone igihe cyose utwaye ikinyabiziga

- Niba ushaka guhamagara cyangwa kwitaba telefone ni byiza ko ubanza ugashaka ahantu heza uhagarara ukabona kubikora.

-Si byiza gukoresha telefone icometse ku muriro w’amashanyarazi

- Si byiza kuraza telefone ku muriro kuko byangiza batiri bikaba byanateza impanuka

- Mu gihe bibaye ngombwa ko uhamagara/uhamagarwa, koresha ‘ecouteurs’ ku buryo amaboko yawe aguma atwaye ikinyabiziga ntibiteze imbogamizi mu muhanda.

- Ntugahererekanye ubutumwa (chatting) cyangwa ngo ubusome igihe utwaye ikinyabiziga

- Igihe utwaye ikinyabiziga byaba byiza ukoresheje telefone igihe gusa ugize ikibazo cyihutirwa ukeneye ubutabazi.


Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza