Uruganda rwa Apple rurashyira hanze iPad Mini ku ya 2 Ugushyingo

Uruganda rwa Apple rutangaza ko ruzasohora iPad Mini izaba igura Amayero 339, izaba ifite écran/screan ya sentimetero 7,9 izaba ari nto inshuro ebyiri ku yari isanzwe.

Apple itangaza ko iziye igihe kuko izaba igaragaza amashusho neza (résolution) ku kigereranyo cya 1024x768 pixels, ikazaba ipima amagarama 300.

Urubuga 20minutes dukesha iyi nkuru rutangaza ko iPad Mini ifite camera ya mégapixels 5 mu kwerekana amashusho.

Runavuga ko imara igihe kingana n’amasaha icumi itarashiramo umuriro.

Apple itangaza ko kuva ku wa Gatanu ushize abazikeneye batangiye kubimenyekanisha ngo bazibaziganire kugeza ku ya 2 Ugushyingo ubwo zizaba zishyirwa ahagaragara ku mugaragaro.