Ibyo wamenya kuri ’Shift’, application yagufasha gukoresha konti za Gmail nyinshi icya rimwe

Yanditswe na Mukaneza M.Ange
Kuya 12 Gashyantare 2017 saa 02:54
Yasuwe :
0 0

Abantu benshi usanga bakoresha E-mail cyangwa se konti ya Gmail irenze imwe biturutse ku mpamvu zitandukanye zirimo imirimo bakora cyangwa izindi mpamvu bwite.

Kwinjira muri izi konti ndetse no gukoresha izindi porogaramu zizana na Gmail nka Docs, Drive, indangaminsi (Calendar) n’ibindi usanga ari ibintu umuntu atatinya kuvuga ko bigora ndetse bigatwara umwanya utari muto kuko bisaba kugenda ubifungura buri kimwe ukwacyo.

Kugira ngo birusheho korohera abakoresha Gmail, hakozwe porogaramu yitwa ‘Shift’ ituma ubasha kwinjira muri konti zitandukanye kandi mu buryo bwihuse.

Umuyobozi wa Redbrick ari nayo yakoze porogaramu ya Shift, Tobyn Sowden yavuze ko yorohereza abantu kuba bareba ibiri kuri konti zabo zitandukanye bitabaye ngombwa ko bagira ibyo bafunga cyangwa ngo bafungura utudirishya (tab) twinshi.

Iyo ukoresheje iyi porogaramu ubasha kumenya niba hari ubutumwa bushya wohererejwe, kureba ku ndangaminsi, kwinjira mu nyandiko (docs) n’ibindi, kuko konti zawe ziba ziri hamwe wowe ugahitamo iyo ushaka.

Kubona iyi porogaramu ujya kuri tryshift.com, ubundi ukayishyira muri mudasobwa yawe hanyuma ugashyiramo konti zawe akaba ariho uzajya uzigenzururira. Ubanza guhabwa amezi abiri y’igeragezwa ku buntu, waba ukeneye iri ku rwego rwo hejuru ugasabwa kwishyura amadorali 19.99 ku mwaka.

Uko 'Shift' igaragara kuri mudasobwa yawe

[email protected]


Niba ushaka kuduha inkuru waduhamagara kuri 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza