Kwamamaza

MYICT yiteze ko ikigo RISA kizashyira u Rwanda ku rwego ruhanitse mu ikoranabuhanga

Yanditswe kuya 16-11-2016 saa 15:55' na Ntakirutimana Deus


Abadepite bagize Komisiyo y’Uburezi, Ikoranabuhanga, Umuco n’Urubyiruko, basuzumye umushinga w’itegeko rishyiraho Ikigo cy’u Rwanda cy’Ikoranabuhanga(RISA) rinagena ishingano, imiterere n’imikorere byacyo.

Umuyobozi Mukuru ushinzwe guhuza serivisi za Leta hifashishijwe ikoranabuhanga muri Minisiteri y’Urubyiruko n’Ikoranabuhanga, Kalema Gordon yavuze ko iki kigo kizashyira u Rwanda ku rwego ruhanitse mu ikoranabuhanga rigamije impinduka ku Banyarwanda.

Ati “Kizaba gishinzwe gukora ubushakashatsi bushyira mu bikorwa ikoranabuhanga rishya( new technologies).Iryo koranabuhanga rikubiye muri gahunda eshanu zirimo kubyaza umusaruro amakuru remezo(Big Data Analytics), ubugamije gucunga umutekano mu by’ikoranabuhanga(Cyber Security), kubyaza umusaruro ubumenyingiro bugenda buvuka mu bijyanye n’ikoranabuhanga buturutse mu Banyarwanda no kwifashisha ikoranabuhanga mu korohereza ubuzima bwa buri munsi bw’Abanyarwanda (Mobility and digital Life style)."

Kalema yavuze ko Abanyarwanda bose bazakura umusaruro ku muco wo gukoresha ikoranabuhanga, dore ko barimo kugenda baryitabira, kugeza aho abagera kuri 80% batunze telefoni zigendanwa.

Yatanze urugero ko kohereza amafaranga bitagisaba ko umuntu akora urugendo, ahubwo hifashishwa Mobile Money mu kohereza no guhererekanya amafaranga.

Yavuze kandi ko koroshya serivisi z’ikoranabuhanga biri muri gahunda u Rwanda rwihaye y’imyaka itanu kuva muri 2015,(Smart Rwanda Master Plan) izageza muri 2020.

Ati “Intego nyamkuru ni ukuzana impinduka nziza ku Banyarwanda bose n’abatuye mu cyaro na bo ikoranabuhanga rikagira icyo ribamarira mu buryo bufatika. Si ukuvuga ngo tubitangiye uyu munsi, ahubwo ni ukugira ngo dukusanye gahunda twari dufite tuzihe umurongo utuma tugera kuri iyo ntego.”

Biteganyijwe ko icyo kigo kizajya gishyira mu bikorwa izo gahunda kirebererwa na Minisiteri y’Urubyiruko n’ikoranabuhanga ariko gifatanyije n’izindi nzego zirimo RURA, kigahuza ibijyanye na serivisi za leta (E-Government ), ibikorwa remezo n’ibindi byose biri mu gihugu bijyanye n’ikoranabuhanga.

Uwo mushinga w’itegeko numara gusuzumirwa muri iyo kimisiyo, uzagezwa ku Nteko Rusange y’Abadepite, nibawemera utorwemo itegeko.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved