Uwavumbuye télécomande itagira umugozi ya mbere yapfuye

Umunyamerika Eugene Polley wavumbuye bwa mbere télécomande/remote control itagira umugozi ikoreshwa ku mateleviziyo ku Cyumweru yapfuye afite imyaka 96.

Nk’uko tubikesha ikinyamakuru 7sur7, kuwa Kabiri tariki 22 Gicurasi nibwo byatangajwe na sosiyete y’Abanyamerika yakoreragamo ikorera mu gihugu cya Korea y’Epfo, Zenith Radio Corporation aho yazize urw’ikirago mu bitaro yari arwariyemo.

Polley yatangiye gukorera iyo sosiyete mu mwaka w’1935.

Polley yavumbuye iyo télécomande/remote control mu mwaka w’1955, ndetse no mu ntambara ya kabiri y’isi yakoreraga igisirikare cy’Amerika aho yakoraga ku bijyanye na radar yacyo.

Naho mu mwaka w’1997 ahabwa igihembo na televiziyo yo muri Amerika nk’umwe mu bateje imbere imikorere y’ibikoresho bikoresha télécomande/remote control.

Asize umwana umwe w’umuhungu n’umwuzukuru.