Amabanga y’ibyamamare bikoresha Instagram yinjiwemo

Yanditswe na Ferdinand Maniraguha
Kuya 31 Kanama 2017 saa 09:53
Yasuwe :
0 0

Instagram yatangaje ko hari amabanga y’abakiliya bayo cyane cyane ab’ibyamamare yinjiriwe n’abajura mu ikorabuhanga.

Iyi sosiyete iherutse kugurwa na Facebook yatangaje ko uko kwinjirirwa kw’amabanga y’abakiliya kwatewe n’akabazo kari kari muri ‘System’ yayo.

Uru rubuga nkoranyambaga rwoherereje ubutumwa (email) ku bakiliya binjiriwe rubamenyesha iki kibazo.

Mu mabanga abajura mu by’ikoranabuhanga binjiriye harimo imyirondoro y’ibyo byamamare, nimero za telefone na email.

Instagram yavuze ko imibare y’ibanga y’abo bakiriya yo abajura batabashije kuyibona ariko isaba abinjiriwe kuba maso.

Abakiliya b’ibyamamare binjiriwe mu mabanga ntabwo bigeze batangazwa amazina nkuko BBC dukesha iyi nkuru yabitangaje.

Instagram yaburiye abakiliya bayo binjiriwe kuba maso ku butumwa bashobora kujya bakira cyangwa nimero za telefone zishobora kujya zibahamagara.

Muri ‘system’ igize imikorere ya Instagram ngo hari harimo akabazo ari nako katumye abajura babasha kuyinjirira gusa ngo byamaze gukemuka.

Instagram ikoreshwa n’abantu basaga miliyoni 500 ku isi, gusa miliyoni 300 nizo nibura ziyikoresha rimwe ku munsi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza