Facebook igiye kwifashisha ikoranabuhanga rihambaye mu gukumira ubutumwa bw’iterabwoba

Yanditswe na M Moïse
Kuya 17 Kamena 2017 saa 06:26
Yasuwe :
0 0

Facebook yatangaje ko irimo ikora ubugenzuzi bugamije gukumira ubutumwa buganisha ku iterabwoba bushobora kunyuzwa kuri uru rubuga.

Iki kigo cyari kimaze igihe kiri ku gitutu cy’ibihugu bitandukanye biyisaba gukora ibishoboka ngo ihanagure ubutumwa buba bwayishyizweho bikozwe n’ibyihebe.

Ubuyobozi bw’uru rubuga buherutse gutangaza ko rwiyemeje gushya imigambi y’iterabwoba irutambukaho hakoreshejwe ikoranabuhanga rigenzura ibikorwa n’ubuhanga bwa muntu ryiswe "Artificial Intelligence".

Mu itangazo ryashyizwe ahagaragara ku wa Kane w’iki cyumweru bwagize buti“Turashaka kujya dutahura ubutumwa bw’ibyihebe ako kanya nta muntu urabasha kububona. Kugeza ubu konti nyinshi duhagarika kubera ko zanyujijweho ubutumwa bw’iterabwoba tubasha kuzimenya twe ubwacu ariko tuzi ko bizaba akarusho nidutangira gukoresha uburyo bw’ikoranabuhanga.”

Iri koranabuhanga rizaba rifite ubushobozi bwo kumenya amashusho y’iterabwoba afitanye isano n’ayasibwe ndetse no kumenya ibyanditse mu ndimi zitandukanye kuri uru rubuga.

Facebook ivuga ko ubu buryo buzafasha cyane mu gukumira iterabwoba hirya no hino ku isi hifashishijwe uru rubuga rusurwa n’abantu benshi gusa ngo baracyafite imbogamizi nyinshi niyo mpamvu bari gusaba leta zitandukanye z’ibihugu kuyifasha muri iyi gahunda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza