Abanyamagare muri ‘Nyungwe’ mbere yo kuzayinyuramo muri Tour du Rwanda (Amafoto)

Yanditswe na Uwishyaka Jean Louis
Kuya 25 Ukwakira 2016 saa 09:24
Yasuwe :
0 0

Kuri iki Cyumweru tariki 22 Ukwakira 2016, ku nshuro ya mbere mu myaka irindwi irushanwa ry’amagare mu Rwanda ribaye mpuzamahanga, abakinnyi basiganwaga bibumbiye mu makipe ane arimo atatu azahagararira u Rwanda muri iryo rushanwa, banyuze mu ishyamba rya Nyungwe bava i Rusizi bajya i Huye mu rwego rwo kwitegura ndetse no kumenyera inzira nshya bazanyuramo mu byumweru bitatu biri imbere.

Iyi nzira ica mu ishyamba rya Nyungwe, ni imwe mu zitegerejwe na benshi muri Tour du Rwanda 2016 nyuma yo kugora cyane Abanyarwanda bayinyuzemo bimenyereza mbere yo kuzayicamo tariki 17 Ugushyingo 2016, bava i Rusizi bajya i Huye ku ntera ya kilometero 115.9.

Iri siganwa ryo kugera i Huye, ryegukanywe na Areruya Joseph ariko akazi gakomeye kari kakozwe na Twizerane Mathieu wari wayoboye abandi bose kuva binjiye muri iri shyamba kugera barisohotsemo ariko imbaraga zimubana nke ageze i Nyamagabe ari naho Areruya yamufatiye, barajyana bagerayo amusizeho amasegonda atatu.

Inzira ica muri Nyungwe nibwo bwa mbere izaba inyuzwemo n'abakina Tour du Rwanda
Bamwe mu bakinnyi bagowe cyane n'iyi nzira y'ishyamba
Imodoka z'abagenzi zarahagararaga bakabanza kureba abanyegare
Zimwe mu nyamaswa zo mu ishyamba rya Nyungwe zabaga ziri mu muhanda nta gutinya amagare
Abaturage bari benshi ku muhanda ubona bishimiye umukino w'amagare
Abasiganwa bageze i Huye

Amafoto: Ferwacy


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza