Kwamamaza

Amagare:Dimension Data yageze mu Rwanda, icyizere kiri kuri Ndayisenga Valens

Yanditswe kuya 11-11-2016 saa 15:00' na Manzi Rema Jules


Ikipe yo gusiganwa ku magare, Dimension Data yo muri Afurika y’Epfo yageze mu Rwanda kuri uyu wa Gatanu kwitabira Tour du Rwanda 2016 izatangira ku Cyumweru tariki 13 Ugushyingo, umuyobozi wayo atangaza ko bazanye abakinnyi bakomeye ariko icyizere cyo kuyegukana bagiteze ku Munyarwanda, Ndayisenga Valens.

Iyi kipe iri mu zihabwa amahirwe menshi yo kwegukana iri siganwa, yageze ku kibuga cy’indege mpuzamahanga cya Kigali, i Kanombe saa 11:50 izanye umukinnyi umwe, NAVARRA Junrey Janjan n’abatoza mu gihe GEBREIGZABHIER Amanuel na EYOB Metkel bategerejwe uyu munsi, baturutse muri Erytrea bagasanga bagenzi babo b’Abanyarwanda Ndayisenga Valens na Uwizeyimana Bonaventure basanzwe bayikinira.

Kevin Campbell, Umuyobozi ushinzwe imibereho y’abakinnyi n’amarushanwa, waje ayoboye iyi kipe yabwiye IGIHE ko bazanye icyizere cyo kwegukana iri siganwa kuko bafite abakinnyi bakomeye kurusha abandi mu bazaba bahanganye bayobowe na Ndayisenga Valens.

Ati “Tuje mu Rwanda dushaka gutsinda nta kindi. Abakinnyi bacu bakoze imyitozo ihagije, yaba Metkel (EYOB) na Amanuel (GEBREIGZABHIER) ndetse dusanze abakinnyi bakomeye, bazi imisozi yaha kandi banazi bagenzi babo batugora, bazajya badufasha cyane.”

“ Bonavanture Uwizeyimana ni we wegukanye shampiyona y’u Rwanda, ni umukinnyi wakora ikinyuranyo cyane ariko hakaba Ndayisenga Valens wayegukanye 2014, uyu niwe tubona ushobora kuyegukana n’uyu mwaka, afite imbaraga, arakora cyane kandi azi neza imihanda.”

Uyu muyobozi yanavuze ko mu bandi bakinnyi aje mu Rwanda aziko bakomeye kandi bashobora kuzabaha akazi gakomeye barimo Nsengimana Jean Bosco wayegukanye umwaka ushize, ubu akazaba ari kumwe n’ikipe ya Bake Aid yo mu Budage na yo ikomeye.

Abakinnyi ba Dimension Data bakigera i Kigali
Imodoka abakinnyi n'abatoza ba Dimension Data bagiyemo bava ku kibuga cy'Indege cya Kigali
Kevin Campbell, Umuyobozi ushinzwe imibereho y’abakinnyi n’amarushanwa, waje ayoboye iyi kipe (hagati)
Umuna-Philippines, Navarra Junrney Janjan ageze i Kigali

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved