Kwamamaza

Amagare: Nsengimana yakoze amateka mu isiganwa rizenguruka Cameroun

Yanditswe kuya 17-10-2016 saa 08:09' na Manzi Rema Jules


Nsengimana Jean Bosco yegukanye agace ka kane mu isiganwa ry’amagare rizenguruka Cameroun “Grand Prix Chantal Biya”, aba Umunyarwanda wa mbere ubikoze nyuma ya Nathan Byukusenge wabaye uwa Kabiri kuri uyu wa Gatandatu na Areruya Joseph wabaye uwa kabiri umwaka ushize mu gace ka gatatu basiganywe bava Zoetele bajya Meyomessala.

Ku munsi wa nyuma w’irushanwa ngarukamwaka ry’amagare rizenguruka Cameroun ryitiriwe umugore wa Perezida Paul Biya; Nsengimana Jean Bosco yanikiriye bagenzi be bava Sangmélima bajya Yaoundé ku ntera ya kilometero 169 akoresheje amasaha 4:09’42".

Nsengimama w’imyaka 22 wegukanye “Tour du Rwanda” umwaka ushize, akinira ikipe ya Stradalli - Bike Aid mu Budage, yakurikiwe n’Umufaransa, Simon Guglielmi w’imyaka 19 amusize umunota n’amasegonda ane.

Mugisha Samuel w’imyaka 18 wari witabiriye iri siganwa bwa mbere yasoje ari ku mwanya wa kane, Tuyishimire Ephrem aba uwa 15, Nathan Byukusenge yasoje ari uwa 21 akurikiwe na Karegeya Jeremie waje ku mwanya wa 22.

Ku wa Gatandatu tariki 15 Ukwakira 2016, Nathan Byukusenge yari yabaye uwa Kabiri bava Ngolbang bajya Meyomessala ku ntera ya kilometero 131 asizwe amasegonda ane na sahbaoui Soufiane wo muri Maroc. Mugisha Samuel yabaye uwa karindwi, Nsengimana Jean Bosco aza ari uwa 11, Karegeya Jeremie aba uwa 15 naho Tuyishimire Ephrem aba uwa 19 mu bakinnyi 42 babashije kurangiza icyo cyiciro.

Ku rutonde rusange, Abanyarwanda bose basoje mu bakinnyi 20 ba mbere barimo Nsengimana Jean Bosco ku mwanya wa 11, Nathan Byukusenge ku wa 13, Karegeya Jeremie ku wa 14, Mugisha Samuel ku wa 18 naho Tuyishimire Ephrem asoza ku mwanya wa 19.

Muri rusange muri aya marushanwa, ikipe y’u Rwanda yasoje iri ku mwanya wa kabiri ikurikiye SNH Vélo Club yo muri Cameroun.

Nsengimana yabaye umunyarwanda wa mbere wegukanye agace (etape) muri Grand Prix Chantal Biya
Nsengimana Jean Bosco yabaye uwa mbere mu gace ka nyuma k'irushanwa
Mu gusiganwa ahaterera, Nsengimana yabaye uwa kabiri
Mu irushanwa ryose Nsengimana yasoje ku mwanya wa 11
Ikipe y'u Rwanda yasoje irushanwa iri ku mwanya wa kabiri

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved