Kwamamaza

Cycling Academy irifuza gusinyisha umunyarwanda nyuma ya Tour du Rwanda

Yanditswe kuya 14-11-2016 saa 21:02' na Jah d'eau DUKUZE


Ikipe ya Cycling Academy yo mu gihugu cya Israel itangaza ko yaje muri Tour du Rwanda izanye intego ebyiri harimo kwitwara neza muri iri siganwa, ndetse no kurebamo abakinnyi bayifasha kwiyongeramo imbaraga.

Iyi kipe yavuyemo umukinnyi wegukanye agace ka Kigali-Rwamagana kuri uyu wa mbere, ni imwe mu zageze mu Rwanda hakiri kare aho umwe mu bayobozi bayo yadutangarije ko kimwe mu byo bazungukira muri Tour du Rwanda, harimo gukuramo abakinnyi bazabafasha kuzamuka ku yindi ntera.

Umunyekanada Boivin Guillaume yanditse amateka muri Cycling Club Team

Yagize ati: "Twaje twizeye kwitwara neza nubwo tubizi ko iri rushanwa rigoye”.

“Ikipe yacu irashaka gushyira imbaraga mu marushanwa yo muri Afurika, ni yo mpamvu dushaka kongeramo abakinnyi nka batatu b’abanyafurika byumwihariko barimo umunyarwanda kuko duhuje amateka”.

Umunsi umwe mbere yuko iri siganwa ritangira, kuwa gatandatu tariki ya 12 Ugushyingo, abakinnyi bose bagize iyi kipe yo muri Israel bari kumwe n’abayobozi babo, basuye Urwibutso rwa Jenoside yakorewe Abatutsi rwo ku Gisozi, aho bavuye bahamije ko bagomba gufatanya n’u Rwanda kugira ngo amateka yabaye ku bihugu byabo byombi ntazongere ukundi.

Umwe mu bakinnyi b’iyi kipe Roy Goldstein ukomoka muri Israel yatunguwe cyane n’ibyabereye mu Rwanda, umuryango mpuzamahanga urebera.

Yagize ati “Ni gute isi yabiretse bikongera bikagenda kuriya, nyuma y’imyaka 50 Jenoside ibaye iwacu? Biteye ubwoba cyane”.

Roy Goldstein(ibumoso uri kumwenyura) ukomoka muri Israel, ngo yababajwe cyane n'ibyabereye mu Rwanda

Cycling Academy Team, yandikishije amateka kuri uyu wa Mbere, ubwo umukinnyi wayo Boivin Guillaume, yazaga kwegukana agace ka mbere ka Tour du Rwanda, Kigali Ngoma, aho ari inshuro ya mbere mu mateka y’iyi kipe, umukinnyi wayo ashoboye kwegukana agace mu marushanwa atandukanye muri Afurika.

Cycling Academy Team, ni ikipe ikina amarushanwa yo ku rwego rw’imigabane yashinzwe mu mwaka ushize wa 2015 ikaba ifite icyicaro muri Israel. Igitekerezo cyo gushinga iyi kipe cyaje mu Ugushyingo 2014, kizanywe n’ikipe yarimo abakinnyi kabuhariwe nka Peter Sagan, mu rwego rwo kuzamura abakinnyi bakiri bato cyane cyane bo muri Israel.

Iyi kipe n’izindi 14 zaje muri Tour du Rwanda, bari buhaguruke i Kigali kuri Convention Center ku i saa tatu (9:00) zo kuri uyu wa kabiri, berekeza i Karongi mu ntara y’Uburengerazuba, ni mu rugendo rwa Km 124 na metero 700.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved